Kanceri i mëlçisë: Simptomat

Kancer-i mëlçisë është një formë serioze e kancerit. Kanceri ose tumor-i mëlçisë mund të fillojë brenda mëlçisë (që quhet kanceri primar i mëlçisë) ose të shkaktohet nga qelizat e kancerit që mund të vijnë nga pjesë të tjera të trupit dhe të shpërndahen në mëlçi (që quhet kanceri sekondar i mëlçisë). Pjesa më e madhe e kancerave të mëlçisë janë të llojit sekondar.

Simptomat

Simptomat për kancerin primar dhe sekondar të mëlçisë janë shumë të ngjashme. Kanceri i mëlçisë shpesh nuk prodhon simptoma për një periudhë të caktuar gjatë zhvillimit të tij. Megjithatë, kur ato shfaqen mund të përfshijnë:

  • Verdhëza – një zverdhje të lëkurës dhe syve;
  • Ngjyrë e errët e urinës;
  • Ënjtje në bark;
  • Dhimbje barku që mund të ndryshojë në intensitet, veçanërisht dhimbje mbi mëlçi;
  • Prania e një lythi në anën e djathtë;
  • Humbje oreksi;
  • Humbje peshe;
  • Një ndjenjë e përgjithshme e shëndetit të sëmurë;
  • Përzierje dhe vjellje;
  • Dhimbje përreth krahut të djathtë;
  • Ethe të përsëritshme;
  • Gjakderdhje të brendshme – e shkaktuar nga shpërthimi i një tumori.

Megjithatë, disa njerëz mund të mos kenë asnjë simptomë të dallueshme duke bërë zbulimin e hershëm të kancerit të mëlçisë së tyre gati të pamundur.

Ekzaminimet dhe diagnostikimet

Nëse ju keni ndonjë nga këto simptoma doktori juaj do të dojë për të bërë një ekzaminim të kujdesshëm duke bërë historinë familjare të simptomave tuaja dhe një ekzaminim fizik. Doktori juaj do të kërkojë për indikacion-e të sëmundjes që janë të njohura për shkaktimin e kancerit të mëlçisë, duke përfshirë hepatit, hemokromatozë (hekur të tepërt në qelizat e mëlçisë), cirozë (dëmtime të mëlçisë) që mund të jenë shkaktuar nga sëmundje ose alkool-i, si dhe çdo histori të kancerit në familjen tuaj.

Faqja: 1 2