Nuk është vetëm sasia e yndyrnave që ju keni në trup, por gjithashtu edhe se në ç’vënd të trupit tuaj janë përqëndruar yndyrnat që ndikojnë në shëndetin tuaj. Të rriturit që përqëndrojnë sasinë më të madhe të yndyrnave të tyre përreth belit kanë një rritje rreziku të presionit të lartë të gjakut, diabet tipi 2, sëmundje të zemrës dhe atakut, krahasuar me ato që kanë të njëjtën sasi yndyre por të përqëndruar në ije dhe kofshë.

Matja e raportit tuaj bel me ije është një mënyrë e thjeshtë për të parë sesa peshë ju mbani përreth barkut në krahasim me ijet tuaja. Kjo është përcaktuar për njerëzit e moshës 18 vjeçare dhe më të vjetër.

Matja e belit tuaj mundet gjithashtu që të përdoret si një udhëzues për rrezikun tuaj ndaj sëmundjeve. Për gratë e rritura, një matje e belit prej 80 cm ose më shumë sjell një rritje rreziku që lidhet me problemet shëndetsore, dhe 88 cm ose më shumë tregon që rreziku juaj është rritur ndjeshëm. Në meshkujt e rritur, 94 cm ose më shumë tregon një rritje rreziku; dhe 102 cm ose më shumë një rritje të ndjeshëm rreziku.

Mbani mënd që raporti bel me ije dhe matjet e belit nuk janë masa të saktë të yndyrës së barkut tek të gjithë njerëzit, pasi ka edhe njerëz të tjerë siç janë gratë shtatzënë ose njerëzit me gjëndje mjekësore të caktuar, ku stomaku i tyre fryhet. Flisni me mjekun tuaj nëse jeni të shqetësuar në lidhje me yndyrnat tuaja trupore.