Ngrënia e peshkut: Pro-të dhe Kundra-t

Është e rëndësishme të dini se çfarë peshku të merrni dhe çfarë nuk duhet të hani kur ju përpiqeni të mbeteni shtatzënë.

Ushqimet e detit dhe peshku janë të mbushur me proteina, vitamina dhe acide yndyrore omega-3 të shëndetshme për zemrën, lëndë ushqyese të rëndësishme kur jeni në dietën e para shtatzënisë. Por kur ju përpiqeni të mbeteni shtatzënë, ju duhet të keni kujdes me peshkun që ju gatuani, sepse disa lloje peshku përmbajnë nivele shumë të larta dhe të rrezikshme të metalit të rëndë – merkurit, një toksinë e cila dëmton sistemin nervor. Ja disa nga mënyrat për t’i shpëtuar këtij rreziku:

Përpiquni të mos i kaloni sasitë e peshkut me të cilat ushqeheni. Sipas ekspert-ëve, sasia e peshkut me përmbajtje të ulët të merkurit që mund të konsumoni në një javë kur jeni shtatzënë apo përpiqeni të mbeteni shtatzënë duhet të jetë rreth 350 gram, sepse përmban shumë proteina të shëndetshme për foshnjën. Mirë është që të konsumoni rreth dy deri tre racione peshk në javë.

Njiheni peshkun që konsumoni. Ekspertët thonë që karkalecat e detit, salmoni etj. janë zgjedhje të mira, ndërsa peshku shpatë, peshkaqeni, skumbria kanë përmbajtje të lartë të merkurit dhe duhen eliminuar nga dieta juaj. Peshku ton, edhe ai ka një përmbajtje të lartë merkuri, por mund të konsumohet në gjysmën e sasisë së përmendur më sipër.

Aborti

Sa i zakonshëm është dështimi?

Dështimi (i njohur gjithashtu edhe si abort spontan) është rezultati i trishtuar i një përqindjeje të lartë të shtatzënive. Është menduar se një në tre shtatzëni përfundojnë në këtë mënyrë. Shpesh femra nuk e kupton që është shtatzënë dhe dështimi e rëndon atë duke përjetuar një periudhë më të rëndë se zakonisht.

Pas një dështimi

Humbja e një fëmije, është një eksperiencë shumë stresuese për shumë familje. Kjo ndodh veçanërisht kur për gruan është shtatzënia e parë. Nëse një grua ka fëmijë ajo të paktën e di që ajo mund të bëjë fëmijë.

Ato që kanë humbur fëmijën nëpërmjet një dështimi mund të nxjerrin disa mësime. Shumica e grave që e kanë këtë eksperiencë shkojnë drejt lindjes së fëmijëve të shëndetshëm në të ardhmen.

Çfarë e shkakton dështimin?

Në shumicën e rasteve nuk ka asnjë arsye të njohur për dështim, madje edhe në ato gra fatkeqe që vuajnë dështime të përsëritura. Prandaj është e vështirë për të dhënë këshilla sesi të zvogëlohen shanset e kësaj ngjarjeje.

Studime të fundit kanë treguar që dështimi duket më i zakonshëm tek gratë që pinë shumë kafe. Kështu që, nëse jeni shtatzënë, ose mendoni të mbeteni, zvogëlimi i sasisë së kafes që konsumoni është një ide e mirë.