5 marifete për të rritur energjinë

Keni qëndruar zgjuar tërë natën me një foshnjë nazeli dhe mezi i mbani sytë hapur. Si do t’ia bëni të rezistoni gjatë gjithë ditës? Provoni këto marifete për të shtuar energjinë, të shtjelluara nga psikolog-u Hendrie Weisinger, autor i librit “Gjeniu i instinktit”: Korrigjoni instrumentet e nënës natyrë për të përmirësuar shëndetin, lumturinë, familjen dhe punën.

Lëvizni

Vendoseni foshnjën tuaj në një karrocë dhe bëni një shëtitje rreth banesës tuaj. Lëvizja e muskujve tuaj përmirëson qarkullimin e gjaku-t, ju shton energjinë dhe ndihmon të stimul-ohet mendja juaj. Lëvizja krijon emocion, thotë Weisinger. Ajo gjithashtu nxit trupin që të çlirojë endorfinat, “hormonet që të bëjnë të ndjehesh mirë”, të cilat mund të përmirësojnë humorin tuaj dhe të reduktojnë stresin, një shkak i zakonshëm i lodhjes.

Kërkojeni dritën e diellit

Studimet kanë gjetur që ekspozimi ndaj dritës së diellit mund të ndikojë në ritmet tona të aktivitetit. Pra hapeni dritaren dhe lejoni dritën e diellit dhe ajrin e freskët të hyjnë brenda. Ose më mirë akoma, dilni për një shëtitje të shkurtër. Marrja e dhjetë deri pesëmbëdhjetë minutave ekspozim ndaj rrezeve të diellit dy herë në javë gjithashtu mund të sigurojë vitaminë D, një lëndë ushqyese e cila u nevojitet shumicës së grave. Midis të tjerave, vitamina D ndihmon trupin tuaj që të absorbojë kalcium-in, një mineral i cili ndihmon që kockat tuaja të forcohen.

Dëgjoni muzikë

Ka një arsye se përse neve pëlqejmë vallëzimin dhe ushtrimin me disa melodi të preferuara. Tingulli ka një efekt të fuqishëm mbi emocionet dhe nivelin tuaj të energjisë. Përse të mos krijoni një listë me këngë e melodi të cilat ua ngrenë gjendjen shpirtërore, që të mund ta dëgjoni kurdoherë që energjia u dobësohet?

Shoqërohuni me njerëz të lumtur dhe shumë energjikë

Weisinger e quan këtë “infektim emocional”. Rrethojeni veten me ata persona që janë plot energji dhe ata do të mund t’ua ngrenë humorin. Bashkohuni me nëna të tjera që shëtisin foshnjat me karroca dhe ushqehuni me atmosferën pozitive që ju rrethon.

Ushqehuni mirë që të keni energji

Ushqimet më të mira për nënat e reja: përmirësues të gjendjes shpirtërore

Nuk është e pazakontë të ndjeheni pa humor për disa javë pas lindjes. Ju po rikuperoheni fizikisht nga dhimbjet dhe nga lindja e fëmijës, duke përjetuar ndryshimet hormonale të paslindjes dhe duke e përshtatur veten me pjesëtarin më të ri dhe më kërkues të familjes tuaj. E gjithë kjo mund t’ju shkaktojë lodhje dhe shqetësim.

Dhe ndërsa të ushqyerit e vetes mund të jetë e fundit në listën e detyrave, ngrënia e një ushqimi të shëndetshëm, marrja e ushqimit në vakte të rregullta dhe disa hapa të thjeshtë mund ta përmirësojnë nivelin tuaj të energjisë dhe gjendjen shpirtërore. Lexoni më poshtë disa këshilla tonat për mirë ushqyerjen tuaj.

Në qoftë se dyshoni që po vuani nga depresion-i dhe jo nga një rast i përkohshëm i mërzisë, njoftoni menjëherë mjekun që kujdeset për ju. Kjo është një gjendje serioze që kërkon trajtim. Një dietë e shëndetshme mund të ndihmojë gjendjen shpirtërore por ajo nuk mundet ta zëvendësojë një ndihmë profesionale. Shenjat paralajmëruese të depresionit përfshijnë pagjumësinë, ndryshim në oreks, lotim dhe pikëllim që vazhdon gjatë gjithë ditës dhe mendime për t’i bërë dëm vetes ose foshnjës.

Merrni sa më shumë yndyra omega 3

Ekspert-ët janë në një mendje se acidet yndyrore omega-3 yndyrore, të cilat gjenden kryesisht në peshk dhe arra e fara të ndryshme, janë të rëndësishme për një dietë të shëndetshme. Ata ndihmojnë funksionimin normal të trupit tuaj dhe ju mbrojnë nga sëmundjet e zemrës. Disa studime tregojnë përqindje më të ulët të depresionit (duke përfshirë edhe një incidencë të ulët të depresionit të paslindjes mes nënave të reja) në vendet ku njerëzit hanë sasi të mëdha të peshkut.

Mjeku pediatër James Sears, beson se acidet yndyrore omega-3 përmirësojnë funksionimin e trurit dhe ndihmojnë për të kapërcyer një depresion. Ekspertët rekomandojnë marrjen e 1 grami acidi yndyror omega-3 për çdo ditë, një sasi që ndodhet në çdonjërin prej ushqimeve të mëposhtme:

  • 2 lugë çaji me vaj arre;
  • Rreth 50 gram harengë;
  • 100 gram salmon i pjekur;
  • 120 gram peshk ton;
  • 15 gram arra.
Gjumi: Këshilla për një gjumë të mirë

Të gjithë i dinë përfitimet e një gjumi të mirë gjatë natës. Por për disa, të fjeturit nuk është gjë e thjeshtë. Me rritjen e moshës, zakonet tona të të fjeturit ndryshojnë. Pjesa më e madhe e njerëzve (por jo të gjithë) zbulojnë se ato ngrihen më herët sesa kur ato ishin të rinj dhe lodhen më shpejt në darkë. Kjo çon në shqetësime të panevojshme, që mund të rezultojnë në kërkimin e ndihmës për të fjetur, zakonisht në formën e konsumimit të tabletave të gjumit.

Fatkeqësisht, përdorimi i tabletave të gjumit në një bazë afatgjatë sjell probleme, siç është varësia, rritja e rrezikut të rënieve, konfuzion dhe vështirësi në dhënien e makinës.

Kërkuesit kanë treguar se marrja e tabletave të gjumit për më shumë se 10 netë rresht, mund të përkeqësojë vështirësitë e gjumit.

Këshillat e mëposhtme mund të ndihmojnë në përmirësimin e zakonit të gjumit.

  • Ngrihuni në të njëjtën orë çdo mëngjes, duke përfshirë fundjavat, edhe nëse keni bërë një gjumë të çrregullt gjatë natës;
  • Shmangni dremitjet gjatë ditës;
  • Gjeni një rutinë qetësuese, pranë kohës së gjumit, si p.sh. bërja e një dushi të ngrohtë;
  • Shkoni në krevat nëse jeni të lodhur;
  • Në krevat, mos lexoni ose shihni TV;
  • Nëse jeni akoma zgjuar pas 20 minutave që jeni përpjekur për të fjetur, zgjohuni dhe bëni diçka në dhomën tjetër;
  • Shmangni ushtrimet ose ushqimet e rënda, përpara se të shkoni për të fjetur;
  • Mos pini duhan ose alkool ose pije me kafeinë (çaj, kafe, kakao, koka-kola) vonë në darkë;
  • Jini aktiv gjatë ditës. Ushtrimet e rregullta përmirësojnë gjumin.

Nëse jeni nën zakonin e marrjes së tabletave të gjumit në një bazë të rregullt, pyesni doktorin rreth metodave të të ndihmuarit për t’i ndaluar. Mund të jetë e nevojshme ndalimi i marrjes së tyre gradualisht, duke patur nevojë për disa javë në mënyrë që t’i ndaloni plotësisht.

Planifikimi i shtatzënisë

Planifikimi i shtatzënisë nuk nënkupton që të nxitoni për në dyqanin më të afërt të fëmijëve. Do të thotë që të keni kujdesin mjekësor përpara mbetjes shtatzënë. Ju doni që trupi juaj të jetë në gjendjen më të mirë, në mënyrë që kur të mbeteni shtatzënë, t’i jepni fëmijës tuaj fillimin më të mirë të mundshëm.

Kontrolli i para konceptimit

Hapi i parë do të jetë që të bëni një rrugë me partnerin tuaj për tek doktori për një vizitë para konceptimit. Kjo do t’ju mundësojë që të siguroheni që jeni në rregull me gjendjen tuaj shëndetësore dhe vaksinim-in. Duhet diskutuar ndonjë shqetësim që mund të keni rreth shtatzënisë dhe për të vendosur ndonjë ndryshim jetësor që duhet të ndërmerrni. Mjeku juaj do të jetë në gjendje për të marrë një vendim për shëndetin tuaj të përgjithshëm si edhe çdo aspekt të historisë tuaj mjekësore e familjare që mund të ndikojë në shtatzëni. Do t’ju pyesë nëse jeni duke marrë ndonjë ilaç, ashtu sikundër edhe bimë ose suplemente, pasi këto mund të duhet të ndryshohen para dhe pas konceptimit.

Nëse ju si një mama e ardhshme, keni një gjendje mjekësore siç është: diabet, astmë, lupus eritematoz ose presioni të lartë gjaku, është e rëndësishme që të siguroheni që gjendja të jetë nën kontroll përpara se të ngeleni shtatzënë. P.sh. gratë me diabet duhet të sigurohen që ato kanë një kontroll të mirë të nivelit të sheqerit në gjak gjatë kohës së konceptimit, pasi kjo zvogëlon rrezikun e fëmijës për të patur një anomali kongjenital-e.

Ilaçet kontraceptive

Nëse jeni duke marrë pilula kontraceptive, por jeni duke programuar që të mbeteni shtatzënë, doktori juaj mund t’ju rekomandojë që të përdorni një metodë kontracepsion-i, siç është: prezervativi ose diafragma, për disa muaj para përpjekjes për konceptim. Kjo do t’i japë trupit tuaj kohën që i duhet për të rivendosur ekuilibrin hormonal normal. Mund të duhen disa muaj derisa periodat të kthehen të rregullta.

Stërvitja

Dieta e pjellorisë: Ushqimet që ju duhen për të mbetur shtatzënë

Kur vjen puna për të mbetur shtatzënë, thënia e lashtë “ju jeni ajo që hani” tingëllon e vërtetë. “Çfarë ju hani ndikon në gjithçka, nga gjaku juaj tek qelizat dhe tek hormonet tuaja”, thotë Cynthia Stadd, një specialiste e të ushqyerit në Qendrën Berkley për Shëndetin Riprodhues të grave në Nju Jork Siti.

Sipas Shoqatës Amerikane të Shtatzënisë, një organizatë jofitimprurëse që promovon shëndetin riprodhues, ju duhet të duroni tre muaj pas një viti ndryshimesh dietetike që këto të fundit të zënë rrënjë. Por në qoftë se jeni në fazën kur keni vendosur të bëheni me fëmijë, mos u shpejtoni, asnjëherë nuk është vonë. Duhet të keni parasysh këto gjëra:

Pini alkool sa më rrallë

Një gotë verë herë pas here ose një shishe birrë ndoshta nuk jua pakëson shanset për të mbetur shtatzënë. Por sigurohuni që të mos jeni shtatzënë sepse alkool-i mund të dëmtojë fetus-in.

Kjo do të thotë që koha për të qenë një antialkoolist është midis ovulacion-it dhe menstruacione-ve. Koha më e mirë për të pirë pa merak një gotë është dita kur ju kanë filluar periodat.

E thënë kjo, në qoftë se ju keni cikle të parregullta (të cilat mund të bëjnë të vështirë që të mësoni se kur e keni ovulacionin) ose në përgjithësi e keni problem të mbeteni shtatzënë, sigurohuni që të mos pini fare alkool. Edhe pse studimet mbi efektet e alkoolit në pjellori nuk janë përfundimtare, disa prej tyre tregojnë një lidhje të lehtë mes marrjes së alkoolit dhe vështirësive në ngjizje.

Shoqata Amerikane e Mjekësisë Riprodhuese rekomandon që edhe në qoftë se pini alkool, të mos pini më shumë se dy gota në ditë në qoftë se po përpiqeni të mbeteni shtatzënë.

Për alternativat jo alkoolike, shihni listën e mëposhtme.

Frenoni marrjen e kafeinës

Rezultatet e studimeve nëse kafeina ndikon mbi pjellorinë janë të ndryshme. Në përgjithësi, ekspert-ët janë në një mendje që konsumi i moderuar i kafeinë-s nuk pengon mbetjen shtatzënë të një gruaje.

Ushqimet që mbajnë mendjen në formë!

Xhinseng, peshk, manaferra apo kafeinë?

Mbani vesh fjalët që thuhen për ushqimet dhe suplementet ushqimore dhe do të besoni se ato mund të bëjnë gjithçka, nga mprehtësia e fokusit tek përmirësimi i memories, fushës së vëmendjes dhe funksioneve të trurit. Por a funksionojnë me të vërtetë? Nuk ka dyshim që ndërsa ne plakemi, trupi plaket bashkë me ne. Lajmi i mirë është se ju mund të keni shanse të mbani një tru të shëndetshëm duke shtuar ushqime dhe pije të “zgjuara” në dietën tuaj.

Kafeina ju bën më të vëmendshëm

Nuk ka një fishek magjik për rritur nivelin e IQ-së (koeficienti i inteligjencë-s) tuaj, por substanca të caktuara si kafeina ju mbushin me energji dhe ju ndihmojnë të përqendroheni. Kafeina gjendet tek kafeja, çokollata dhe tek disa medikamente. Ajo ju jep atë shtytjen e pangatërrueshme të zgjimit edhe pse efektet zgjasin pak. Ndonjëherë, sa më shumë të marrësh aq më pak ke marrë. Nëse e teproni me kafeinën do ju bëj nervoz dhe jo të qetë.

Sheqeri zhvillon vigjilencën

Sheqeri është burimi më i pëlqyer i fuqisë për trurin tuaj; jo sheqeri i tavolinës por glukozë, të cilën trupi e përpunon dhe që gjendet tek sheqernat dhe karbohidratet që konsumojmë. Kjo është arsyeja pse një pijë e ëmbël shpesh është një përforcues shumë i mirë afatshkurtër i memories, të menduarit dhe aktivitetit mendor. Por kini kujdes, duke marrë më shumë sheqer seç duhet dhe memoria do të dëmtohet, bashkë me gjithë pjesën tjetër të trupit. Hani pak sheqer në mënyrë që të përmirësoni memorien pa shtuar kile të tepërta.

Hani mëngjes për të furnizuar trurin

Tentoni të mos hani mëngjes? Studimet kanë zbuluar se të ngrënit e mëngjesit përmirëson memorien afatshkurtër dhe vëmendjen. Studentët që hanë mëngjes japin rrezultate më të mira në shkollë se ata që nuk hanë. Ushqimet që qëndrojnë në majë të listës së kërkuesve si karburant për trurin, përfshijnë drithërat e plota të pasura me fibra, bulmetin dhe frutat. Kujdesuni të mos hani shumë! Kërkuesit gjithashtu kanë zbuluar se mëngjesi me shumë kalori e ul dhe pengon përqendrimin.

Peshku, vërtet që është ushqimi i trurit

Ja disa mite dhe fakte mbi kafeinën

Nuk është gjithmonë e lehtë të dallosh nëse ke të bësh me një fakt apo mit për kafeinën. Ka shumë mundësi që të gjithë të kemi keqkuptime në lidhje me kafeinën. Si fillim a i dini burimet më të zakonshme të kafeinës? Mirë, ndoshta dy nga burimet kryesore nuk janë të vështira për t’i gjetur-kafeja dhe gjethet e çajit. Por, a e dini se farat e kolës (bimë që rritet në pyjet tropikale) në Afrikë, origjina e Coca-Colës dhe kakaos gjithashtu rreshtohen mes burimeve kryesore të kafeinës. A e dini si varion sasia e kafeinës nga një ushqim në një tjetër? Në fakt, sasia varion shumë dhe kjo varet nga lloji i ushqimit apo lëngut, sa serviret dhe si serviret.

Sasia e kafeinës mund të variojë nga 160 miligram në disa pije energjike, deri në 4miligram në një gotë të vogël shurupi me çokollatë. Madje as kafeja e dekafeinuar, nuk është pa kafeinë. Ajo përmban sasi shumë të vogla. Kafeina gjendet edhe tek shumica e qetësuesve pa recetë, ilaçet kundër të ftohtit dhe kokrrat për dobësim. Në fakt vetë kafeina është një qetësues i lehtë dhimbjesh. Ajo gjithashtu rrit efektshmërinë e qetësuesve të tjerë.

Doni të dini më shumë? Vazhdoni leximin. Në kemi analizuar disa mite dhe kemi gjetur faktet për të hedhur pak dritë mbi këtë çështje.

Miti nr. 1: Kafeina krijon varësi

Ky mit ka pak vërtetësi brenda, por kjo varet nga çkuptojmë me “varësi”. Kafeina është stimul-ant i sistemit qendror të trurit dhe përdorimi i rregullt i saj krijon një varësi të lehtë fizike. Por, kafeina nuk kërcënon shëndetin fizik, social apo ekonomik siç bëjnë drogat me varësi të lartë. (Edhe pse dikush mund të kishte një kundërshtim të vogël, kur mendon se sa para ka harxhuar për kafe në fund të muajit!)

Nëse nuk e mer kafeinën përditë dhe me sasi të bollshme, kur më parë ke konsumuar 2 ose 3 filxhanë në ditë, mund të sjellë pasoja. Simptomat e mungesës së kafeinës përfshijnë.

  • Dhimbje koke;
  • Dobësi;
  • Ankth;
  • Acarim nervor;
  • Humor jo të mirë;
  • Vështirësi për t”u përqëndruar.
Probleme të fjetjes gjatë shtatzënisë

Si të gjendet pozicioni i duhur për të fjetur, të menaxhohet zgjimi natën (dhe nevoja juaj konstant-e për të urinuar) dhe të fitohet një e fjetur e mirë gjatë shtatzënisë?

Sigurisht që juve e prisnit privimin nga gjumi të vinte së bashku me foshnjën, por shanset janë që ju nuk i prisnit më parë. Por tashmë ju e dini: është pothuaj po aq e vështirë të bëni një gjumë të mirë natën gjatë shtatzënisë sa edhe kur bëheni prind. Dhe ndoshta është më e vështirë sepse mungon një aromë e mirë, një fëmijë që gugat në krahët tuaj, që do t’i justifikonte sytë e fryrë dhe rrathë e zinj të tyre.

Probleme me fjetjen gjatë tremujorit të parë

Problemet me fjetjen gjatë shtatzënisë fillojnë në tremujorin e parë, atëherë kur udhëtimet e shpeshta në banjë gjatë natës, i ndërpresin ëndrrat tuaja të ëmbla. Më pas vazhdojnë të tjera gjëra që ua ndërpresin gjumin menjëherë pasi bashkëshorti juaj fillon të gërhasë: urth, uri, ankth, ngërçe të këmbëve, siklete, sindroma e këmbës që s’pushon.

Probleme me fjetjen gjatë tremujorit të tretë

Dhe në tremujorin e tretë, pikërisht atëherë kur kini nevojë më shumë për gjumë, dremitja bëhet më e pakuptueshme. Duke i shtuar kësaj frikën nga dëmtimet ju nuk mundeni madje as edhe të rrotulloheni e ngriheni pa u ndihmuar. Gjithashtu do të keni një mysafir të përsëritur gjatë natës, shpeshtësinë e urinim-it. Meqenëse uterus (mitra) juaj e shtyp fshikëzën e urinës, mbajtja e urinës në të gjatë gjithë natës bëhet një mision i pamundur. Dhe si për t’i keqësuar gjërat edhe më tej, veshkat tuaja që duhet të filtrojnë 50% më shumë gjak se sa zakonisht, çlirojnë më shumë urinë se sa ndonjëherë më parë (në qoftë se nuk e dini, ju edhe për të urinuar, urinoni sa për dy).

Gjetja e pozicionit të duhur të fjetjes

Osteoporoza: Para dhe pas një kocke të thyer

A ndikojnë medikamentet mbi kockat tuaja?

Në qoftë se ju keni osteoporozë ose jeni në rrezik, ju do të doni të bëni gjithçka për t’i mbajtur kockat tuaja sa më të forta që të jetë e mundur. Përveçse të ndiqni këshillën e mjekut tuaj për dietën dhe ushtrimet fizike, ju duhet të dini se disa medikamente janë miqësore për kockat dhe të tjera mund të kenë efekte anësore që prekin kockat tuaja. Disa medikamente të marra për probleme të zakonshme shëndetësore, si urth dhe depresion mund të prekin shëndetin e kockave tuaja. “Kjo jo domosdo do të thotë që duhet t’i ndaloni ato”, thotë Dr. Harold Rosen, drejtor i Qendrës së Parandalimit dhe Trajtimit të Osteoporozës, Boston. Është shumë e rëndësishme që të peshohen pro-të dhe kundra-t e medikamentit kundrejt efektit mbi kockat. Dobitë nga një ilaç mund të dominojnë rrezikun. Ose mjeku juaj mund t’ju këshillojë një ilaç për ruajtjen e kockave, i cili mund të kompensojë rrezikun.

Ilaçet kortikosteroide dhe shëndeti i kockës

Keto lloj ilaçesh kortikosteroide ndihmojnë të frenohet inflamacion-i. Mjekët i japin ato për sëmundje si artrit reumatoid, astmë dhe atë që njihet si koliti ulçeroz. Disa shembuj janë:

  • Cortisone (Cortone);
  • Prednisolone (Deltasone, Meticorten, Orasone, Prednicot).

Këto steroide e vështirësojnë formimin e kockës dhe e rrisin brishtësinë e kockës gjë që mund  të shkaktojë një frakturë. Megjithatë disa njerëzve u nevojiten këto ilaçe. Dhe rreziku afatshkurtër nuk ka ndonjë rëndësi për shumicën e njerëzve. Se si e merrni ju ilaçin, është gjithashtu e rëndësishme. Tabletat apo pika nga goja janë më të fuqishmet por ato që ju thithni apo i vini mbi lëkurën tuaj janë më pak shqetësuese.

Ilaçet kundër kancerit dhe shëndeti i kockave

Në qoftë se  ju keni kancer të gjirit dhe po merrni disa ilaçe që prekin kockat tuaja, mjeku juaj duhet të monitorojë densitetin e kockës tuaj dhe të rekomandojë ilaçe për ruajtjen e kockave. Disa pacientë me kancer të gjirit marrin:

  • Anastrozole (Arimidex);
  • Exemestane (Aromasin);
  • Letrozole (Femara).
Dhimbja e kokës

Dhimbjet e kokës janë relativisht të zakonshme. Ekzistojnë shumë shkaqe që shkaktojnë dhimbjen e kokës. Ato janë: mungesa e ushqimit, tendosja e syve, stresi, konsumimi i alkool-it, tensioni i lartë i gjakut dhe tërheqja ndaj kafeinë-s.

Vendndodhja është gjithashtu e ndryshueshme. Ato mund të ndodhin në njërën apo në të dyja anët e kokës, në pjesën e përparme apo në pjesën e prapme të kokës. Tensioni i dhimbjes së kokës zakonisht ndikon në të dy anët e kokës dhe mund të ndihet si një shtrëngim i ngushtë në të gjithë ballin.

Një dhimbje koke nga migrena (migrenë) shpesh ndikon në njërën anë të kokës dhe mund të shoqërohet nga shqetësime vizual-e, ndjeshmëri ndaj dritës ose ndjeshmëri ndaj zhurmave, përzierje dhe të vjella. Shkaqet e përbashkëta përfshijnë alkoolin, faktorët hormonalë, stresin dhe ushqime të caktuara siç është çokollata.

Çfarë mund të bëni për të ndihmuar trajtimin e dhimbjes së kokës?

Ju mund të ndihmoni nëpërmjet:

  • Identifikimit të faktorëve të dhimbjes së kokës dhe shmangies së tyre;
  • Marrjes së ilaçeve të lirimit të dhimbjes dhe pushimit;
  • Vendosjes së një komprese të lagur në kokë;
  • Pirjes së shumtë të ujit dhe një diete të shëndetshme; dhe
  • Të kontrolluarit të qëndrimit ndërsa uleni në tavolinë ose në kompjuterin tuaj.

Nëse dhimbja e kokës është e shoqëruar me një të ftohtë, duhet të jeni të kujdesshëm për të mos dubluar ilaçet dhe për të shmangur një mbidozë të paracetamolit.

Kur duhet të kërkoni këshilla mjekësore për dhimbjet e kokës?

Duhet të kërkoni këshilla mjekësore nëse:

  • Shtrirja rrit dhimbjen;
  • Lodhja shton dhimbjet;
  • Dhimbja e kokës është shumë e rëndë dhe e papritur;
  • Eshtë hera e parë që keni patur një dhimbje koke të tillë;
  • Keni patur kohët e fundit një dëmtim në kokë, veçanërisht nëse ajo përfshin një humbje ndërgjegjeje;
  • Ekzistojnë shqetësime vizuale;
  • Keni temperaturë, ngurtësi të qafës, të vjella, ndjeshmëri të lehtë, ose një skuqje të lëkurës (këto simptoma mund të përcaktojnë meningjit-in);
  • Vazhdimisht keni dhimbje koke;
  • Dhimbja juaj e kokës ka zgjatur më shumë se 24 orë; ose