Humbja e peshës: E vërteta për heqjen e kg-ve të tepërt pas lindjes

Shumë gra pyesin veten se sa kohë do t’u duhet që të humbasin peshën e foshnjës dhe të kthehen në trupin e para lindjes. Këtu keni fakte reale lidhur me atë se si trupi vazhdon të ruajë kilogramë pas lindjes.

Është ëndrra e çdo gruaje të humbasë të gjithë kilogramët shtesë pasi ajo lind fëmijën. Por fakti është që madje edhe yjet e kinematografisë nuk arrijnë të kthehen në trupin që kishin para lindjes. Është e rëndësishme që t’i kontrolloni pritshmëritë tuaja; në varësi nga përmasat e të porsalindurit (sipas OBSH-së i porsalindur konsiderohet fëmija gjatë katër javëve të para të lindjes) dhe peshës së saktë të lëngut amniotik (lëngu amniotik) dhe placentës (të cilat ju i nxirrni gjatë lindjes), shumica e grave shtatzënë mund të humbasin deri në 3-5 kg gjatë lindjes. Duke marrë parasysh që shtesa e peshës gjatë shtatzënisë është 10-15 kg, ky është një fillim i shëndetshëm.

Por nga vijnë kilogramët e tjerë? Indi juaj i gjinjve, depozitimet dhjamore dhe uterus (mitra) e zmadhuar. Në fakt lindja mundet që të mos e tkurrë dhe aq shumë barkun tuaj e ta bëjë afërsisht sa para lindjes.

Janë shumë gjëra që ju mund të bëni për të ardhur sërish në formë. Por në të vërtetë është e rëndësishme që të bëni një pushim. Trupi juaj ka lindur një krijesë. Shumë gjëra kanë ndryshuar, janë tendosur dhe janë rritur për ta bërë këtë të ndodhë. Mos u përqendroni në kthimin e trupit tuaj në formë, por në krijimin e një trupi të shëndetshëm, të lumtur dhe mundësisht në një formë paksa të ndryshme.

Objektivi juaj javor për humbjen e peshës

Dhjetë përfitimet më të mëdha të ushtrimeve fizike gjatë shtatzënisë

Shtatzënia vjen me pjesën e vet të ankesave të mërzitshme. Specifikisht në rastin e nënave të ardhshme ushtrimet fizike të shtatzënisë munden që të:

  1. Luftojnë lodhjen nga shtatzënia. Lodhja e një niveli të ulët torturon shumë gra gjatë tremujorit të parë, e më pas gjatë tremujorit të tretë. Duket paradoksale por disa herë një pushim i tepërt bën që ju të ndjeheni më shumë të lodhura. Dhe ndërsa asnjëherë nuk duhet ta mundoni veten shumë gjatë shtatzënisë dhe në veçanti në momentet që e ndjeni veten të lodhura, një shtytje e vogël mund të ndryshojë shumë nivelin e energjisë tuaj gjatë shtatzënisë. Pra bëni hapa të vegjël, shkoni e bëni një ecje të lehtë dhe do të befasoheni se sa energjike do ta ndjeni veten paskëtaj.
  2. Përmirësojnë gjumin gjatë shtatzënisë. Ndërsa shumë gra shtatzëna raportojnë që ato kanë vështirësi të flenë (për të mos përmendur të flenë pas ndërprerjeve të shumta për të shkuar në banjë), ato që ushtrohen fizikisht në mënyrë të qëndrueshme thonë që cilësia e gjumit të tyre është më e mirë dhe që ato kur zgjohen e ndjejnë veten më të çlodhura.
  3. Dominojnë kapsllëkun gjatë shtatzënisë. Një trup aktiv inkurajon zorrë aktive. Disa gra betohen që një ecje e shpejtë 30 minutash ndihmon mjaft për këtë gjë.
  4. Bëhen ushtrime për shpinën gjatë shtatzënisë. Dhimbja e shpinës prek gjysmën e të gjithë grave shtatzënë dhe mbrojtja më e mirë është muskuj të fortë të abdomen-it. Bëni ushtrime të thjeshta e të parrezikshme të shtatzënisë për të forcuar abdomenin, që do t’ju japë më pas atë mbështetje që ju nevojitet. Por mos ndaloni këtu. Edhe ushtrimet që nuk janë të destinuara për muskujt e barkut, një ecje e shkurtër deri në postë, munden që edhe ato të qetësojnë dhimbjen dhe presionin.
Lindja dhe mungesa e hekurit tek foshnjat

Për nënat që i mbajnë foshnjat në tjetër mënyrë, prerja e kordonit umbilikal (kordoni umbilikal) mund të shtyhet.

Sipas një studimi të ri, ndryshimi i mënyrës se si mbahen foshnjat menjëherë pas lindjes, mund të rrisë përdorimin e prerjes së vonë të kordonit dhe potencialisht, të ulë numrin e foshnjave me mungesë të hekurit.

Kërkimet e mëparshme kanë zbuluar se nëse pritet deri rreth dy minuta pas lindjes për të prerë kordonin umbilikal, kjo lejon më shumë gjak të kalojë nga placenta e nënës tek foshnja, veprim i cili zvogëlon rrezikun e mangësisë së hekurit gjatë foshnjërisë.

Udhëzimet e tanishme sugjerojnë që foshnja të mbahet në nivelin e placentës së nënës, para se kordoni umbilikal të pritet. Megjithatë, studiuesit vunë në dukje se ky pozicion është i vështirë dhe jo i këndshëm për personin që mban fëmijën dhe parandalon kontaktin e drejtpërdrejtë ndërmjet fëmijës dhe nënës.

Kërkuesit sugjeruan se këto probleme mund të kontribuojnë në normat e ulëta të prerjes së vonë të kordonit umbilikal, duke rezultuar në një rritje të numrit të fëmijëve me mangësi hekuri.

Ky studim i ri në Argjentinë ka shqyrtuar se si ndryshimi i pozicionit si mbahet foshnja, menjëherë pas lindjes, ndikon në prerjen e vonë të kordonit. Ai përfshiu 197 fëmijë të cilët ishin mbajtur në pozicionin që këshillohet aktualisht dhe 194 të tjerë, të cilët nga ana tjetër, ishin vendosur në kraharorin apo barkun e nënës.

Të dy grupet e fëmijëve kishin vëllime të ngjashme gjaku, të transferuara nga placenta e nënës. Sipas studimit, të botuar në16 prill në revistën The lancet, kjo do të thotë se vendosja e foshnjës në stomaku-n apo kraharorin e nënës është po aq e dobishme sa pozicioni i këshilluar aktualisht dhe që është pak më i çuditshëm.

“Mungesa e hekurit tek foshnjat dhe fëmijët është një problem serioz i shëndetit publik në vendet me të ardhura të ulëta, si dhe i hasur tashmë në vendet e Amerikës së Veriut dhe të Evropës Perëndimore”, tha në një njoftim zyrtar për shtyp autori kryesor i studimit Nestor Vain, i Fondacioni për Shëndetin e Nënës dhe Fëmijës në Buenos Aires.

A mund të zgjidhet gjinia e fëmijës që dëshironi të lindni

Pyetje: “Kam dëgjuar që ekzistojnë mënyra për të lindur një djalë, ose vajzë. Cilat janë këto teknika të zgjedhjes së gjinisë”?

Pyetje: “Unë kam dëgjuar se ekzistojnë mënyra për të rritur shanset e lindjes së një djali ose të një vajze. Cilat janë këto teknika të përzgjedhjes së gjinisë”?

A keni një vizion me ngjyrë rozë apo blu në të ardhmen tuaj? Ndoshta ju e shihni veten duke e lyer dhomën e fëmijës me ngjyrë rozë dhe shkoni në dyqan për të blerë veshje plot lule? Apo ndoshta ju mezi prisni që ta merrni fëmijën në duart tuaja. Ndërsa lindja e një foshnje të shëndetshme është me sigurinë më të madhe prioriteti juaj më i lartë, gjithashtu është plotësisht normale (dhe fare e zakonshme) të jeni të etur për një djalë që ta shtoni folenë tuaj apo digjeni për një vajzë që t’ua marrë mendjen fare. Çfarëdo qoftë gjinia që ju keni për zemër, ka disa mënyra, që janë edhe shkencore edhe të trasha, të cilat munden të manipulojnë Nënën Natyrë dhe të rrisin shanset tuaja për të konceptuar një djalë apo një vajzë. Hidhuni një sy këtyre alternativave të përzgjedhjes së gjinisë.

Përzgjedhja e gjinisë me anë të mënyrave të teknologjisë së lartë

Në qofte se ju jeni ndihmuar nga shkenca për të mbetur shtatzënë, mund të keni paksa në dorë edhe se cilën nga gjinitë do të zgjidhni. Por sado premtuese dhe emocionuese të duken në pamje të parë këto ndihma të teknologjisë së lartë, duhet të kini në mend që këto metoda të përzgjedhjes së gjinisë janë të kushtueshme, invazive, ndonjëherë të debatueshme dhe mund të kërkojnë që ju të plotësoni disa kritere të rrepta për t’i pranuar.

7 shenja që tregojnë që i vogli juaj ju do

Kopjon shprehjet tuaj të fytyrës. Shprehjet e fytyrës tuaj janë më ngjitëse për fëmijën tuaj se sa virusi më i ri. Ja sepse ai shpesh do të buzëqeshë kur ju buzëqeshni apo do të shfaqet i frikësuar kur frikësoheni juve. Ky pasqyrim fillon në periudhën menjëherë pas lindjes por shtohet në mënyrë dramatike midis moshës 9 dhe 18 muajsh.

Merr sinjale nga ju. Si do të reagojë fëmija juaj 1 vjeçar ndaj një elefanti që skuq një vezë në kuzhinën tuaj? Shanset janë që më parë ai t’ju shohë juve. Bota mund të jetë një vend i ndërlikuar dhe befasues për të voglin tuaj dhe ai i përdor reaksionet tuaja për ta kuptuar atë. Ai ju do juve dhe beson në mendimin tuaj.

Kopjon sjelljen tuaj. A përpiqet fëmija juaj i vogël që të hapë derën me çelësat e tua? A i rregullon flokët në pasqyrë si edhe juve? Thonë që imitimi është forma më e sinqertë e lajkatimit, por për fëmijët e vegjël është gjithashtu një formë e respektit dhe dashurisë.

Angazhohet bashkë me ju. Ec-e-jak-ja e cila ka filluar gjatë foshnjërisë tani është shumë më e sofistikuar. I vogli juaj tashmë dëshiron t’ju përgjigjet pyetjeve tuaja, të dëshmojë reagim-in tuaj ndaj asaj që po bën dhe t’ju tregojë në mënyrën e vet idetë e tij. E njohur si vëmendje reciproke sociale, kjo është një shenjë e lidhjes dhe besimit që ka i vogli juaj tek ju.

Ju përdor si bazën e vet. Në një mjedis të ri, i vogli juaj mund të alternojë eksplorim-in dhe kthimin në prehrin tuaj. Kjo është një shenjë e sigurt e besimit dhe lidhjes me ju. Ju jeni një vend i sigurt, që i jep atij siguri, sa herë që kthehet në të.

Kthehet nga ju për të shpëtuar. Ju po  ecni në mes të një parku kur një qen i madh afrohet me vrap. Ai ngre duart që ta merrni në krahë dhe ta mbani afër vetes. Ju beson se do ta ndihmoni, e kjo është një mënyrë për të shprehur dashurinë.

Kërkon komoditet nga juve. I vogli juaj mund të ngrejë dorën që ju ta puthni nga larg ose mund të fillojë të qajë në qoftë se ju nuk e përqafoni pasi niset e ngjit shkallët e para. Ai e di që mund të mbështetet tek ju dhe ju beson aq shumë saqë ju bën të ditur që ka nevojë për këtë.

Piketë për vogëlushin tuaj: Ecja

Kur dhe si ndodh kjo

Fëmija juaj është stërvitur vazhdimisht për hapat e parë qysh nga dita e lindjes. Gjatë vitit të parë, ai ka zhvilluar fuqinë dhe koordinimin e muskujve të tij dhe ka zotëruar një shkathtësi pas një tjetre, që nga rrokullisja deri tek qëndrimi ulur, zvarritja apo largimi me shpejtësi.

Pasi i ka bërë të vetat këto aftësi, ai ka qenë gati ta detyrojë veten të qëndrojë në pozicionin në këmbë e madje edhe të udhëtojë rreth e qark dhomës duke u mbajtur tek mobiliet. Paskëtaj është çështje besimi dhe balance që ai të ecë vetë.

Mësimi i ecjes kërkon shumë praktikë dhe mund të dojë shumë kohë. Dhe zotërimi i saj është një përparim i madh në betejën e fëmijës tuaj për t’u bërë më i pavarur.

12 deri 18 muaj

Shumica e fëmijëve i hedhin hapat e tyre të parë afërsisht kur është ditëlindja e tyre e parë, por diapazoni normal për të arritur këtë piketë është shumë i gjerë. Mos u shqetësoni në qoftë se fëmija juaj është nga ata të vonshmit, i rëndësishëm është progresioni i aftësive. Në qoftë se ai ka qenë pak i vonuar në rrokullisjet dhe zvarritjet e tij, shanset janë që atij do t’i duhen edhe disa javë ose muaj të tjerë për të ecur. Për sa kohë ai vazhdon të mësojë gjëra të reja, nuk keni pse të shqetësoheni tepër.

19 deri 24 muaj

Kur  fëmija bëhet më i sigurt mbi këmbët e veta, ai do të fillojë të ndjehet më komod kur ecën me diçka në dorë, si p.sh. një kafshë prej pellushi ose një top. Ai do ta sfidojë veten duke mbajtur edhe pesha më të rënda, si p.sh. një çantë. Gjithashtu do të emocionohet kur të zbulojë që mund të vrapojë dhe jo vetëm të ecë nga një vend në tjetrin.

25 deri 30 muaj

Në kohën që mbush 2 vjeç, është bërë aq i sigurt për aftësitë e tij, saqë tashmë merr pjesë në lojëra të ndryshme. Hapat e tij po bëhen më të sigurt dhe po fiton aftësinë që të shkelë thembrën dhe gishtat e këmbëve, ashtu siç bëjnë edhe të rriturit.