Njohuri suplementare për kolesterolin dhe trigliceridet

Kur përpiqeni të ulni kolesterol-in ose trigliceridet, ju mund të përfundoni në një dyqan vitaminash përballë dhjetëra plotësuesish ushqimorë. Cilët prej tyre ia vlen të provoni?

Vaji peshkut. Ky plotësues mund të ndihmojë për të ulur nivelet e triglicerideve në sajë të acideve omega-3 që ka në përbërje, siç janë EPA (acidi eicosapentaenoic) dhe DHA (acidi docosahexaenoic).

Mjaft të dini se marrja e sasisë së omega-3 që ju keni nevojë nga plotësuesit do të shtojë kalori në dietën tuaj, kështu që kini kujdes shtesën në peshë. Ju do t’ju nevojiten 2-4 gr. vaj peshku në ditë. Vaji i peshkut është me yndyrë kështu që sigurohuni të kontrolloni etiketën për të mësuar sa kalori do të shtoni në sasinë totale. Disa shqetësohen për nivelet e larta të merkurit ose ndotësve të tjerë kur zgjedhin plotësues të vajit të peshkut. Pyesni mjekun se cilat janë të parrezikshme për t’i provuar.

Ushqimet me fibra. Fibrat janë një shkatërrues i mrekullueshëm i kolesterolit dhe pjesë e një diete të shëndetshme. Gjithashtu, fibrat ndihmojnë për të ulur trigliceridet, veçanërisht tek personat me diabet të tipit II. Në qoftë se ju nuk merrni apo nuk mundeni të merrni mjaftueshëm fibra nga ushqimet, si perimet, frutat dhe drithërat integrale, këshillohuni me mjekun për disa bimë medicinale që mund t’i mbushin boshllëqet. Si të gjithë fibrat mund t’ju duhet në këtë rast të shkoni më shpesh në banjë.

Plotësuesit e proteinave nga soja. Soja mund të ulë nivelet e kolesterolit në përgjithësi dhe të përmirësojë nivelet e lipoproteinë-s me densitet të lartë ose të “kolesterolit të mirë”. Ngrënia e proteinave të sojës në vend të proteinave shtazore (si mish dhe bulmetra plot yndyrë), mund të ndihmojë gjithashtu për të ulur nivelin e lipoproteinë-s me densitet të ulët ose të “kolesterolit të keq” dhe nivelet totale të kolesterolit.

Tablo e përzier

Menaxhimi i dhimbjes pas një operacioni kirurgjikal

Menaxhimi i dhimbjes pas një ndërhyrje kirurgjikale fillon që para operacionit.

Kur dëgjoni mjekun tuaj të thotë fjalët “Do të na duhet ta operojmë” mund t’ju kalojnë të dridhura në trup. Menjëherë, ju vijnë në mendje pyetje lidhur me seriozitetin e gjendjes tuaj shëndetësore, vetë procedura dhe probabiliteti që kjo do t’ju shërojë. E më pas, është edhe perspektiva e dhimbjes pas operacionit. Sa shumë dhimbje do të keni? 

Lajmi i keq është se njëfarë dhimbje është një shoqërues i pashmangshëm në shumicën e llojeve të operacioneve. Ndërkaq, lajmi i mirë është se ekzistojnë shumë medikamente shumë të efektshme për ta mbajtur nën kontroll dhimbjen post operatore. Përveç kësaj në favor të një qetësimi më të madh, ekspert-ët thonë që dhimbja e kontrolluar mirë mund ta shpejtojë shërimin dhe të parandalojë problemet afatgjata.

Në mënyrë që të siguroheni që po merrni trajtimin më të mirë të mundshëm për dhimbjen post operatore, ekspertët këshillojnë një rol aktiv dhe mbajtjen hapur të kanaleve të komunikimit midis jush dhe mjekut tuaj, duke filluar që para operacionit.

Filloni që para operacionit

Koha për të biseduar me kirurg-un dhe anesteziolog-un tuaj lidhur me atë se si do të menaxhohet dhimbja pas operacionit është gjatë analizave para tij dhe jo pasi është kryer procedura.

Më poshtë keni disa probleme të rëndësishme për të diskutuar me mjekun tuaj para se të niseni për në spital:

  • Tregojini atij çdo gjë që ju do të ndërmerrni. Mjeku juaj nevojitet të jetë në dijeni për të gjithë shtesat ushqimore, ilaçet e rekomanduara dhe ato ilaçe që merrni pa recetë në mënyrë që të parandalojë bashkëveprimet e rrezikshme të ilaçeve.
  • Pyeteni se sa dhimbje do të keni dhe sa do të zgjasin ato. Çdo njeri mund ta menaxhojë dhimbjen në mënyra të ndryshme. Po ashtu çdo lloj operacioni përgjithësisht përmban një farë niveli dhe lloji të dhimbjeve.

P.sh. pas një operacioni të shpinës përgjithësisht njerëzit përjetojnë shumë spazmë muskulore. Nga ana tjetër operacionet abdominale zakonisht kanë një dhimbje ngërçi meqenëse zorrët funksionojnë për t’ju kthyer normalitetit.

Trajtimi i kancerit të ezofagut

Pasi pacienti është diagnostikuar me kancer të ezofagut, mjeku do të dojë që ju t’i nënshtroheni më shumë testeve, për të përcaktuar nëse qelizat e kancerit janë përhapur edhe në pjesë të tjera të trupit. Mjekët e quajnë këtë “përcaktim të fazave”. Kanceri ezofagut mund të trajtohet më mirë në qoftë se diagnostikohet në  faza të hershme, para se të jetë përhapur në pjesë të tjera të trupit. Kjo është arsyeja pse njerëzit me ezofag të tipit Barret, që i ekspozon më shumë ndaj kancerit të ezofagut se sa njerëzit e tjerë, ekzaminohen rregullisht në mënyrë që kanceri të diagnostikohet herët dhe t’i japin një shans të mirë kirurgjisë për ta kuruar atë.

Megjithatë, kanceri i ezofagut ka shumë pak simptoma në fazën e hershme dhe shpesh shfaqet në një fazë të zhvilluar, para se të jenë identifikuar simptoma të njohura. Trajtimi i kancerit të ezofagut do të varet nga madhësia, nëse është i përhapur dhe mosha e gjendja e përgjithshme shëndetësore e pacientit.

Alternativat e trajtimit të kancerit të ezofagut

Alternativat e trajtimit të kancerit të ezofagut ose të lehtësimit të simptomave përfshijnë sa më poshtë vijon:

Kirurgjinë për ta hequr e prerë kancerin. Kirurg-u mund të heqë pjesën e prekur nga kanceri ose të gjithë ezofagun: kjo quhet një ezofagektomi. Ndonjëherë hiqet edhe pjesa e sipërme e stomaku-t. Gjithashtu, hiqen edhe nyja limfatike dhe indet tjera në zonë për të parandaluar përhapjen e qelizave të kancerit në pjesë të tjera të trupit. Nëse pritet një pjesë e ezofagut, atëherë kirurgu do të ketë mundësi të lidhë pjesën e shëndoshë të ezofagut në stomak, në mënyrë që personi të mund të gëlltisë. Ndonjëherë kirurgu krijon një tub që lidh stomakun me atë pak pjesë të ezofagut që ka mbetur pas operacionit.

Në rastet kur kanceri e bllokon ezofagun, kirurgu mund të fusë një tub që zgjerohet (të quajtur stendë) për të mbajtur ezofagun të hapur. Mund të përdoren edhe rrezet lazer për të shkatërruar qelizat e kancerit në ezofag.

Testime ekzaminuese për të porsalindurin: Cilat teste duhen kryer për foshnjën tuaj dhe pse?

Çfarë është një testim ekzaminues për një të porsalindur?

Testimet ekzaminuese për një të porsalindur (sipas OBSH-së i porsalindur konsiderohet fëmija gjatë katër javëve të para të lindjes) kontrollojnë për sëmundje të rralla por serioze të foshnjave menjëherë pas lindjes. Disa testime ekzaminuese janë të detyrueshme të bëhen për të porsalindurit edhe në qoftë se ata duken të shëndetshëm. Këto teste përgjithësisht përfshijnë një larmi testesh të gjaku-t dhe një test të dëgjimit (tashmë në disa vende bëjnë edhe ekzaminime për defekte të zemrës).

Shumica e çrregullimeve për të cilat kontrollohet foshnja juaj nuk kanë shenja të dukshme në lindje. Kapja e këtyre sëmundjeve qysh herët u jep mjekëve një mundësi për t’i trajtuar ato para se t’i shkaktojnë foshnjës tuaj dëmtime kronike dhe serioze.

Testimet ekzaminuese japin vetëm informacion paraprak që u tregon mjekëve nëse duhet të bëjnë testime më precize diagnostikuese, të cilat nevojiten për të përcaktuar nëse vërtet ekziston ndonjë problem. Shumica dërrmuese e foshnjave të ekzaminuara nuk janë të prekura nga sëmundjet për të cilat kontrollohen. Vetëm rreth një e treta e 1% të fëmijëve të ekzaminuar diagnostikohen me të vërtetë se kanë diçka.

Kur dhe ku do t’i nënshtrohet foshnja ime testimit?

Në qoftë se ju e lindni foshnjën tuaj në spital, personeli mjekësor do të kujdeset për të bërë ekzaminimin e dëgjimit dhe të zemrës dhe do të marrin gjak prej tij për testime të tjera para se ju të largoheni nga spitali. Zakonisht ata do ta dërgojnë kampionin e gjakut në një laborator për t’u analizuar dhe rezultatet do të dërgohen përsëri në spital. Mjeku i fëmijës tuaj do t’u bëjë të ditur hapat e mëtejshëm që duhen marrë në qoftë se rezultatet tregojnë ndonjë shkak për t’u shqetësuar.

Kanceri i vezoreve: Alternativat e trajtimit

Trajtimi i kancerit të vezoreve zakonisht përfshin ndërhyrjen kirurgjik-ale dhe kemioterapinë. Ndonjëherë ai përfshin radioterapi-në.

Kirurgjia

Trajtimi parë për kancerin e vezoreve zakonisht është një operacion i quajtur laparotomi. Në këtë operacion bëhet një prerje në abdomen dhe kjo e lejon mjekun të gjejë dhe të largojë sa më shumë kancer që është e mundshme.

Në shumë raste mjeku do të bëjë një biopsi të tumor-it në fillim të operacionit për që qenë i sigurt që ai është kancer. Kjo quhet një “prerje e ngrirë”. Në qoftë se kanceri konfirmohet, atëherë operacioni do të vazhdojë. Operacioni zakonisht heq vezoret dhe tubat fallopianë (tubat uterine), mitrën dhe omentum majus dhe disa nyja limfatike në atë zonë. Gjithashtu mund të hiqet edhe apendicit-i. Ndonjëherë nevojitet të hiqet edhe një pjesë e zorrëve dhe madje edhe fshikëza e urinës.

Mund të tingëllojë që shumë nga pjesët ose organ-et e trupit tuaj hiqen në këtë operacion. Megjithatë këto organe janë fare të vegjël në krahasim me çdo gjë tjetër në abdomen-in dhe pelvisi-n tuaj dhe heqja e tyre nuk le ndonjë hapësirë bosh.

Disa gra mund të mos kenë nevojë për një kirurgji ekstensive. P.sh. një grua e re me një kancer epitelial të vezoreve në fazë të hershme mund të mos ketë nevojë t’i hiqet uterus (mitra) dhe të dy vezoret. Në këtë rast për të është ende e mundur që të ketë fëmijë.

Përcaktimi i fazave të sëmundjes

Pas operacionit, kampionë të një pjese të organeve që janë hequr dërgohen për ekzaminim në laborator. Rezultatet, të kombinuara me disa rezultate të testeve diagnostike japin informacion për llojin dhe shtrirjen e kancerit tuaj. Kjo bën të mundur që mjekët të përcaktojnë fazat e sëmundjes në mënyrë që të munden të përpunojnë trajtimin më të mirë për ju. Në qoftë se kanceri i vezoreve është kufizuar vetëm tek vezoret ose fare pranë tyre, ai mund të quhet i fazës 1 ose 2. Në qoftë se ai është përhapur në organe të tjerë ai mund të jetë i fazës 3 ose 4. Njohja e fazës së sëmundjes e ndihmon mjekun tuaj që të diskutojë me ju zgjedhjet për trajtimin e mëtejshëm.

Osteoporoza: Para dhe pas një kocke të thyer

A ndikojnë medikamentet mbi kockat tuaja?

Në qoftë se ju keni osteoporozë ose jeni në rrezik, ju do të doni të bëni gjithçka për t’i mbajtur kockat tuaja sa më të forta që të jetë e mundur. Përveçse të ndiqni këshillën e mjekut tuaj për dietën dhe ushtrimet fizike, ju duhet të dini se disa medikamente janë miqësore për kockat dhe të tjera mund të kenë efekte anësore që prekin kockat tuaja. Disa medikamente të marra për probleme të zakonshme shëndetësore, si urth dhe depresion mund të prekin shëndetin e kockave tuaja. “Kjo jo domosdo do të thotë që duhet t’i ndaloni ato”, thotë Dr. Harold Rosen, drejtor i Qendrës së Parandalimit dhe Trajtimit të Osteoporozës, Boston. Është shumë e rëndësishme që të peshohen pro-të dhe kundra-t e medikamentit kundrejt efektit mbi kockat. Dobitë nga një ilaç mund të dominojnë rrezikun. Ose mjeku juaj mund t’ju këshillojë një ilaç për ruajtjen e kockave, i cili mund të kompensojë rrezikun.

Ilaçet kortikosteroide dhe shëndeti i kockës

Keto lloj ilaçesh kortikosteroide ndihmojnë të frenohet inflamacion-i. Mjekët i japin ato për sëmundje si artrit reumatoid, astmë dhe atë që njihet si koliti ulçeroz. Disa shembuj janë:

  • Cortisone (Cortone);
  • Prednisolone (Deltasone, Meticorten, Orasone, Prednicot).

Këto steroide e vështirësojnë formimin e kockës dhe e rrisin brishtësinë e kockës gjë që mund  të shkaktojë një frakturë. Megjithatë disa njerëzve u nevojiten këto ilaçe. Dhe rreziku afatshkurtër nuk ka ndonjë rëndësi për shumicën e njerëzve. Se si e merrni ju ilaçin, është gjithashtu e rëndësishme. Tabletat apo pika nga goja janë më të fuqishmet por ato që ju thithni apo i vini mbi lëkurën tuaj janë më pak shqetësuese.

Ilaçet kundër kancerit dhe shëndeti i kockave

Në qoftë se  ju keni kancer të gjirit dhe po merrni disa ilaçe që prekin kockat tuaja, mjeku juaj duhet të monitorojë densitetin e kockës tuaj dhe të rekomandojë ilaçe për ruajtjen e kockave. Disa pacientë me kancer të gjirit marrin:

  • Anastrozole (Arimidex);
  • Exemestane (Aromasin);
  • Letrozole (Femara).
Kur mjekimi juaj për dhimbjen nuk funksionon

Cilat mund të jenë hapat që duhet të ndërmerrni në rastet e një dhimbje kronike

Në qoftë se jeni një person i cili për disa arsye përjeton një dhimbje kronike, duhet të merrni në konsideratë që kontrolli i saj ka të ngjarë të kërkojë trajtime të tjera përveç medikamenteve.

Kjo sepse mjekimi i dhimbjes ndërsa është i dobishëm, shpesh nuk mund të sigurojë shërim të plotë nga dhimbja. Ai mund ta reduktojë por nuk e eliminon dhimbjen. Mjekimi i dhimbjes ofron shkallë të ndryshme të qetësimit, por gjithashtu çon edhe në disa efekte anësore.

Nuk ka shërim të shpejtë për dhimbjen kronike

Një këmbë e thyer dhe dhimbja akute që shkakton mund të mjekohen relativisht shpejt. Por dhimbja kronike ka më shumë të ngjarë që të shkaktohet nga probleme më të mëdha si diabet-i ose kancer-i avancuar që nuk mund të shërohen kaq shpejt dhe lehtë.

Qëllimi i mjekimit të dhimbjes kronike nuk është domosdo vetëm të eliminojë dhimbjen, por objektivi është një cilësi e mirë e jetës ndërsa dhimbja menaxhohet në një nivel të tolerueshëm.

Ajo që është e rëndësishme për personat që kanë dhimbje kronike, është të komunikojnë me mjekun e tyre dhe t’i bëjnë atij të ditur cili është ai nivel i dhimbjes së tyre që i pengon të bëjnë veprime të caktuara. P.sh. dhimbja mund ta pengojë pacientin të flejë, të shkojë në punë dhe të ecë. Prandaj duhet konsultuar me mjekun për të caktuar objektiva specifike e të matshme.

Për të arritur këto objektiva, mjekët mund të provojnë:

  • Mjekimin e dhimbjes duke e parë atë nga këndvështrime të ndryshme. P.sh. ilaçet kundër depresion-it mund të ndihmojnë për të qetësuar sistemin nervor dhe ta bëjnë atë më pak të ndjeshëm ndaj dhimbjes.
  • Injektim-i i anestetikë-ve ose steroideve në zonat e dëmtuara.
  • Ndërhyrja kirurgjik-ale për të mjekuar burimin e dhimbjes. Ajo përfshin zëvendësimin e artikulacion-eve, riparimin e disqeve të dëmtuar në shpinë etj.

Mjeku juaj mund të sugjerojë po ashtu që ju të punoni me një fizioterapi-st. Ju mund të dëshironi gjithashtu të kërkoni përgjigje për komponentët mendorë të dhimbjes, duke mos parë vetëm aspektin fizik.

Qasje të reja për mjekimin e akneve

Ende nuk ekziston ndonjë kurim për akne-t, por mjekimet e reja e bëjnë këtë shqetësim të përgjithshëm e të zakonshëm të adoleshencës më të lehtë për t’u menaxhuar, thonë dermatolog-ët.

“Gjërat janë shumë më mirë sot sepse ka shumë alternativa për të mjekuar aknet”, thotë Dr. Sarah Taylor, dermatologe.

“Bota e rekomandimeve ka ndryshuar me të vërtetë në 10 vjetët e kaluar. Neve jemi shumë më mirë të pajisur për t’u marrë me të gjithë llojet e ndryshme të akneve”, thotë Taylor në një komunikatë për shtyp. Çdo pore e lëkurës përmban një gjëndër që prodhon yndyrë, e njohur si sebum. Kur këto gjëndra prodhojnë yndyrë me të tepërt, poret mund të bllokohen. Ndërkohë papastërtitë, bakteret dhe qelizat e vdekura të lëkurës mund të grumbullohen brenda. Kjo gjë shkakton forma të ndryshme të lezion-eve të lëkurës.

Çdokush mund të ketë akne, burra e gra dhe njerëz nga të gjitha racat. Megjithëse ky shihet përgjithësisht si problem i adoleshentëve, edhe të rriturit mund të kenë akne. Është llogaritur se tetë nga dhjetë njerëz kanë pasur akne në një fazë të jetës së tyre.

Ndryshimet hormonale mund të luajnë një rol në akne. Kjo mund të ndihmojë të shpjegohet përse adoleshentët dhe gratë shtatzënë shpesh kanë akne. Sëmundjet e lëkurës mund të jenë edhe familjare.

Megjithëse ekzistojnë mjekime të efektshme ekspert-ët tërheqin vëmendjen që duhet të kalojë njëfarë kohe deri sa pacienti të shohë ndonjë farë përmirësimi.

Produktet e marra pa recetë mund të funksionojnë në shumë raste, por pavarësisht se cfarë mund të thonë reklamat televizive, ato kërkojnë kohë për të vepruar, zakonisht gjashtë deri në tetë javë.

Për rastet më të rënda të akneve të cilat nuk pastrohen brenda një apo dy muajve, dermatologët mund të rekomandojnë medikamente më të forta.

Kontrolli i të përzierave dhe të vjellave të kemioterapisë

Ilaçe të reja dhe terapitë alternative mund të ndihmojnë të reduktohen, ose eliminohen efektet anësore të kemioterapisë.

Jo shumë kohë më parë, të përzierat dhe të vjellat që të gjymtojnë ishin rutinë për personat që i nënshtroheshin kemioterapisë. Por në saje të ilaçeve të reja dhe trajtimeve të tjera, nuk është më kështu. “Ne kemi bërë një përparim të madh”, thotë Dr. Karen Syrjala, drejtoreshë e Qendrës Kërkimore për Kancerin në Seattle. “Ne kemi shumë më pak të përziera dhe të vjella tani, edhe pse po përdorim doza më të mëdha të kemioterapisë se më parë”. Për arsye se ne mundemi që t’i kontrollojmë efektet anësore, trajtimi i kancer-it në vetvete është bërë shumë më agresiv.

Medikamentet kundër të përzierave, janë kaq të efektshme sa që ekspert-ët e kanë zhvendosur fokusin e tyre nga trajtimi i të përzierave drejt parandalimit agresiv të tyre. Objektivi i tyre standard tashmë është të parandalohen të përzierat para se të ndodhin dhe jo të pritet sa të fillojnë dhe pastaj të trajtohen ato.

Natyrisht, jo të gjithë rastet e të përzierave dhe të vjellave mund të parandalohen, 70-80% të njerëzve që i nënshtrohen kemioterapisë ende përballen me njëfarë rreziku. Por në saje të një trajtimi më të mirë shumica e njerëzve në kemioterapi mund të bëjnë jetë normale, duke punuar dhe duke u kujdesur për familjet e tyre.

“Ju mund të mos ndiheni shumë mirë gjatë gjithë kohës”, thotë Dr. Carmen Escalante, përgjegjëse e katedrës së mjekësisë intern-e në Universitetin e Teksasit. “Por ju vazhdoni aktivitetin tuaj. Dhe ky është një përmirësim i madh i kemioterapisë së përdorur”.

Efektet anësore të kemioterapisë: Sa serioze janë ato?

Për njerëzit që nuk janë përballur me to, të përzierat dhe të vjellat e shkaktuara nga kemioterapia duken shumë më tepër se efekte anësore.

Kemioterapia mund të shkaktojë disa lloj të përzierash e të vjellash:

  • Të përziera dhe të vjella akute zhvillohen brenda disa orësh të kemioterapisë;
  • Të përziera e të vjella të vonuara mund të fillojnë më shumë se 24 orë pas trajtimit;
Një studim i ri ka zbuluar se përdoruesit e statinave për kolesterolin, po konsumojnë më shumë ushqime jo të shëndetshme se më parë

Një studim i ri ka zbuluar se përdoruesit e statinave (medikamenteve që bllokojnë procesimin e kolesterol-it), po konsumojnë më shumë ushqime jo të shëndetshme se një dekadë më parë.

Një studim i ri ka zbuluar se shumë amerikanë, të cilët përdorin statina për të ulur kolesterolin, duket se besojnë që ata mund të hanë shumë ushqime jo të shëndetshme, pa patur asnjë pasojë.

Studiuesit zbuluan se njerëzit që përdorën statina në vitet 2009-2010 konsumuan më shumë yndyra dhe kalori, se ata që i morën këto medikamente 10 vjet më parë. Kjo rritje e konsumit të kolarive dhe yndyrave nuk u vu re mes njerëzve që nuk i përdornin këto medikamente, u shprehën kërkuesit e Universitetit të Los Anxhelos-it në Kaliforni.

Analizat e të dhënave nga Vëzhguesit e Institutit të Shëndetit dhe Ushqyerjes, treguan se përdoruesit e statinave në vitet 2009-2010 kishin konsumuar 9.6% më shumë kalori dhe më shumë yndyrë se 14.4% e përdoruesve të statinave në vitet 1999-2000.

Përdoruesit e statinave në vitet 1999-2000 konsumonin më pak kalori dhe yndyrë se njerëzit të cilët nuk i kishin përdorur fare këto medikamnete, por ky raport nuk është më i njëjti, sipas studimit i cili u botua në internet në 24 prill në numrin e revistës Jama: Mjekësia e Brendshme dhe në të njëjtën kohë, u prezantua në takimin vjetor të Shoqërisë së Përgjithshme të Mjekësisë së Brendshme në Denver.

“Ne besojmë se ky është studimi i parë për të treguar se njerëzit që përdorin statina konsumojnë më shumë kalori dhe yndyra se njerëzit që i përdornin të njëjtat medikamente dhjetë vjet më parë”, u shpreh autori i studimit Takehiro Sugiyama, një klinicist trajnues në Qendrën Kombëtare për Shëndetin dhe Mjekësinë Globale në Japoni, në një deklaratë për shtyp nga UCLA (Universiteti i Los Anxhelos-it në Kaliforni).

“Statinat janë përdorur nga rreth një e gjashta e të rriturve. Ne mund të kemi nevojë të ritheksojmë rëndësinë e modifikimeve dietike për ata që janë duke i përdorur këto barna, tani që obezitet-i dhe diabet-it janë probleme të mëdha në shoqëri”, tha Sugiyama, i cili udhëhoqi hulumtimin.