Kur duhet të thërrisni mjekun për foshnjën tuaj?

Është normale që prindërit e rinj të shqetësohen për shëndetin e foshnjës së tyre. Edhe në qoftë se ju mund ta shihni se i porsalinduri juaj (sipas OBSH-së i porsalindur konsiderohet fëmija gjatë katër javëve të para të lindjes) është i fortë dhe energjik, foshnjat janë të vegjël dhe të cenueshëm dhe kanë nevojë për mbrojtjen tonë. Por si do ta dini ju që ndonjë gjë nuk shkon vërtet mirë?

Ju e njihni foshnjën tuaj më mirë se kushdo, kështu që besojuni instinkteve tuaja dhe i telefononi mjekut në qoftë se ndjeni se diçka nuk është në rregull. Disa gjëra kryesore për t’i pasur kujdes.

Temperamenti

Nëse foshnja juaj është si zakonisht i gjallë, i kënaqur dhe e merr mirë ushqimin, ai ndoshta nuk është i sëmurë seriozisht. Një foshnjë me hundë që i kullojnë dhe me një buzëqeshje në fytyrë, ka gjasa të mos jetë dhe aq sëmurë, sa një foshnjë me hundë që kullojnë dhe është i përgjumur.

E qara e pazakonshme

Nëse foshnja juaj fillon papritmas të qajë më shumë se zakonisht dhe ju nuk mund ta qetësoni me mënyrat tuaja të zakonshme, ose në qoftë se e qara e saj është e dobët ose jashtëzakonisht e mprehtë, ajo mund të jetë seriozisht e sëmurë. Edhe e kundërta është e vërtetë: nëse foshnja juaj duket e pakënaqur dhe nuk qan por është jashtëzakonisht pasive dhe e vështirë për ta zgjuar, telefonojini mjekut tuaj.

Oreksi

Se sa e uritur është foshnja juaj, kjo ndryshon nga dita në ditë. Në qoftë se është e uritur do ta kërkojë ushqimin energjikisht. Një foshnjë që largohet lehtë nga gjiri apo nuk është e interesuar të pastrohet, ndërrohet dhe ushqehet ka gjasa të jetë e sëmurë. Gjithashtu, në qoftë se vini re që ajo e nxjerr ushqimin më shumë se zakonisht apo ajo që nxjerr është në ngjyrë të gjelbër, atëherë telefonojini mjekut.

Jashtëqitja e parregullt

Udhëzime për ndjekjen e televizorit nga fëmijët e vegjël

Rruga më e mirë për t’ju qasur televizorit (dhe koha para ekranit të çdo lloji) është të menduarit për të si për sheqerin e rafinuar. Juve doni që fëmija juaj të kënaqet me gjërat joshëse por pa i konsumuar ato së tepërmi. Pra ju do të duhet të kontrolloni kohën që fëmija juaj shpenzon para ekranit.

Rekomandohet që fëmijët dy vjeç e lart të shikojnë jo më shumë se një deri dy orë në ditë, ndërsa për fëmijët nën dy vjeç nuk rekomandohet të shohin fare.

Vendosja e kufijve qysh nga dita e parë është kryesore për ta mbajtur nën kontroll kohën në të cilën fëmija ndjek televizorin. Është shumë më e lehtë që t’i lironi standardet tuaja më pas se sa të shkëpusni një fëmijë 18 muajsh nga një zakon tre herë në ditë. Më poshtë keni disa këshilla për monitorimin dhe kufizimin e kohës gjatë të cilës fëmija juaj sheh televizor.

Monitorimi i kohës gjatë të cilës fëmija juaj ndjek televizorin

Kufizoni sasinë e kohës që fëmija juaj shpenzon për të parë televizor

Më shumë se dy orë në ditë është e tepërt. Për të bërë që fëmijës tuaj t’i duket se ka kaluar shumë kohë duke parë televizor, dhe për ta ruajtur trurin e tij të vogël që të mos bëjë veprime mekanike ndërkohë që po ndjek televizorin, ndajeni ndjekjen e televizorit në pjesë 10-15 minutash. Mbajini ekranet e televizorëve larg dhomës së gjumit  dhe fikeni atë gjatë vakteve të ngrënies.

Shmangni përcaktimin e një kohe të qëndrueshme të lejuar të shikimit

Kjo është kundër intuitive por çuditërisht e efektshme. Ju mund të doni që fëmija juaj të vijë tek ju kur dëshiron të shohë televizor dhe mbajeni për vete se cila është koha maksimale. Në këtë mënyrë ju do të shmangni dhënien e mesazhit se ka një farë sasie të kohës gjatë të cilës ai “duhet” të ndjekë televizorin.

Bëjeni ekranin fizikisht të parehatshëm