8 hapa të thjeshtë për banjën e parë të foshnjës tuaj

Banjat me sfungjer

Rreth javës së parë më e mira është që t’i bëni foshnjës tuaj banja me sfungjer, me një shtupë të njomur me ujë të ngrohtë. Lani shpesh fytyrën dhe duart dhe mbani të pastër zonën gjenital-e pas çdo ndërrimi të pelenave.

Banjat në vaskë

Pasi baza e të quajturit kordoni umbilikal thahet, i bie korja dhe shërohet, ju mund të filloni t’i bëni të porsalindurit (sipas OBSH-së i porsalindur konsiderohet fëmija gjatë katër javëve të para të lindjes) tuaj banja në vaskë. Meqë foshnja është e vogël, ka kuptim të përdoret një vaskë e vogël plastike për foshnjat.

Edhe pse disa prindër i lajnë foshnjat e tyre çdo ditë, një banjë nuk është e domosdoshme më shumë se sa tre herë në javë gjatë vitit të parë të jetës. Larja shumë e shpeshtë e foshnjës mund ta thajë lëkurën e saj.

Disa foshnja e gjejnë ujin e ngrohtë shumë qetësues. Nëse ndodh kështu me foshnjën tuaj, është në rregull që ajo të zgjatet paksa. Të tjerë qajnë gjatë banjës dhe duan të dalin prej saj. Banjat nuk ka nevojë të zgjasin shumë: pesë minuta është një kohë e mjaftueshme për ta mbajtur foshnjën të pastër para se uji të ftohet më shumë se duhet.

Kur ju i bëni banjë një të porsalinduri, në fillim mund të jetë paksa frikësuese. Mbajtja e një krijese të lagur e të rrëshqitshme kërkon praktikë dhe besim në vetvete, kështu që qëndroni e qetë dhe ruani një kontroll të mirë mbi të.

Siguria gjatë banjës

• Asnjëherë mos e lini foshnjën pa mbikëqyrje, as edhe për një minutë. Nëse bie zilja apo telefoni dhe ju mendoni që ju duhet të përgjigjeni, mbështilleni atë me peshqir dhe merreni me vete.
• Asnjëherë mos e lini foshnjën kur uji është duke rrjedhur. (Ai mund të jetë shumë i nxehtë dhe me thellësi më të madhe nga sa duhet).
• Kufizoni temperaturën e ujit në jo më shumë se 45° C. Një foshnjë mund të pësojë djegie të shkallës së tretë në më pak se një minutë në temperaturën 60° C.

Dhimbjet muskulare

Dhimbjet muskulare mund të shkaktohen nga mungesa e aktivitetit të muskujve ose përdorimi i tepruar i tyre. Dhimbjet më të rënda të muskujve të shoqëruara nga ënjtjet dhe lëvizjet e kufizuara ose nxirjet nënkupton se muskujt, tendinat (tendinë) ose ligament-et janë shqyer ose dëmtuar, p.sh. nga ndrydhja apo presionet.

Kur duhet të kërkoni këshillën mjekësore?

Ju duhet të kërkoni këshillën mjekësore kur:

  • Ju keni një humbje serioze të lëvizjeve;
  • Dhimbja juaj është e fortë;
  • Ju nuk jeni në gjendje që të mbani pesha në një këmbë ose të përdorni një krah;
  • Zona është e fryrë dhe/ose e ngrohtë për t’u prekur, ose ju keni një nxirje të madhe;
  • Dhimbjet ose parehatia nuk janë përmirësuar pas një trajtimi vetëkujdesjeje; ose
  • Dhimbja është nga shpina ose nga dëmtimi i qafës.

Çfarë mund të bëni ju?

Ndrydhja, tkurrja ose dëmtime të tjera të indeve të buta janë trajtuar më së miri nga terapia RICE (Rest Ice- Compression-Elevation) për 48-72 orët e para.

  • Pushimi — mos bëni ushtrime të mëtejshme për 48-72 orët e tjera.
  • Akulli — aplikoni akullin për 10 minuta çdo 2-3 orë.
  • Kompresat — përdorni një tyl firme ose fashë elastike për të ndihmuar kufizimin e ënjtjes.
  • Ngritja — mbani pjesën e dëmtuar të trupit të ngritur për t’ju ndihmuar në uljen e ënjtjes.

Mos e vendosni akullin direkt në lëkurën tuaj. Përdorni një pako akulli duke ndjekur instruksionet e prodhuesit ose hidheni akullin në një peshqir.

Pas 72 orësh në përgjithësi indet e dëmtuara fillojnë të shërohen dhe më pas mund të aplikohet ngrohje dhe masazh. Është e këshillueshme të konsultoheni me një mjek ose fizioterapi-st përpara se të filloni trajtimet e të ngrohtit dhe aktivitetin fizik, për të shmangur rrezikun e dëmtimit të indeve të mëtejshme.

Dhimbjet e muskujve, ngurtësimi i shkaktuar nga përdorimi i tepruar apo i pastërvitur mund të lirohet nga produktet anti-inflamatore ose ngrohësit. Këto nuk duhet të aplikohen në lëkurë të dëmtuar ose pranë syve apo mukozës dhe nuk duhet të përdoren veshje të ngushta. Ju duhet gjithashtu të siguroheni që keni larë duart tuaja para se të aplikoni krem, xhel, locione.