Ushqimet e para më të mira për të ushqyer foshnjën tuaj

Biftek, karavidhe, tiramisu, janë kaq shumë përpara. Por tani për tani, ushqimet e thjeshta e të shëndetshme janë zgjedhjet më të mira për foshnjat që sapo kanë filluar të ushqehen me ushqime të ngurta.

Është koha për të përtypur. Pavarësisht se çfarë ka në menu, struktura e ushqimeve të para për foshnjën tuaj duhet të jetë super e butë  dhe praktikisht e lëngshme. Në qoftë se e përgatisni vetë ushqimin, ju duhet ta bëni pure, ose ta shtypni dhe pastaj në qoftë e nevojshme ta holloni me lëngje. Kur foshnja juaj të bëhet më me përvojë në ngrënie (zakonisht rreth moshës gjashtë apo shtatë muaj), reduktojeni gradualisht lëngun dhe trasheni strukturën e ushqimit. Jepini ushqime të reja një e nga një për tre deri pesë ditë për t’u siguruar që foshnja juaj nuk është alergjik, e pastaj kaloni tek tjetri. Këtu janë tre ushqime për të filluar. Oreks të mirë!

Drithëra. Për vite të tëra, drithi me oriz për foshnjat është konsideruar si ushqimi më i mirë për të filluar, por tashmë Akademia Amerikane e Pediatri-së rekomandon çdo lloj ushqimi që tretet lehtë nga stomaku. Në qoftë se filloni me drithëra, merrni një varietet me një lloj kokrre (oriz, elb ose tërshërë, mbajeni larg miellin e grurit, një alergjen i zakonshëm për shumë foshnja). Për ta përgatitur, përzieni një sasi të vogël drithërash me qumësht, qumësht gjiri apo edhe me ujë, për të krijuar një “supë” kremoze. Mos e ëmbëlsoni shijen duke i shtuar banane të shtypura, lëng molle ose lëngje të tjera frutash. Në qoftë se do të filloni ta joshni fëmijën me sheqer, ai shumë shpejt do të dojë që çdo gjë që ju i ofroni të jetë po aq e ëmbël.

Dieta e para shtatzënisë

Tashmë që po përpiqeni të mbeteni shtatzënë, është koha për të hequr dorë nga disa zakone në ushqyerje.

A po luftoni për të pasur një fëmijë? Këtu keni pesë gjëra që mund të bëni për të përmirësuar dietën tuaj dhe për të ruajtur shëndetin tuaj dhe të foshnjës që do të keni.

1. Bëhuni të fiksuar pas acidit folik. Studimet tregojnë që sa më herët të filloni të merrni mjaftueshëm nga kjo vitaminë vital-e, më e mira do të ishte gjatë fazës para konceptimit, aq më të pakta do të jenë shanset që foshnja juaj të preket nga defektet e tubit nervor (siç është spina bifida). Ku mund ta gjeni acidin folik? Shumica e perimeve me gjethe të gjelbra dhe drithërat integrale janë plot me acid folik dhe përveç kësaj, ai u shtohet shumicës së produkteve të drithërave të rafinuara (sipas ligjit). A doni një siguri suplementare? Marrja e një plotësuesi para lindjes është një mënyrë e lehtë për ta siguruar dhe kur është fjala për acidin folik ju mund të mos jeni shumë të kujdesshëm (në fund të fundit marrja e tre sallatave në ditë është një objektiv i vlefshëm, të cilin jo gjithmonë mund ta arrini lehtë). Meqenëse ju do ta ruani këtë dietë për një kohë të gjatë dhe pasi keni rishikuar zakonet tuaja të ushqyerjes, një plotësues mund të jetë rruga më realiste për të marrë acidin folik në ditët që pasojnë njëra tjetrën (veçanërisht në ditët kur ju keni të vjella). Zgjidhni një plotësues të para lindjes me 400 deri 600 mikrogram acid folik për të qenë të sigurt që e keni plotësuar nevojën tuaj për këtë element.

2. Eliminoni ushqimet e dëmshme. Reduktoni sheqernat e rafinuara dhe miellin e bardhë (në formën e petullave, biskotave, kekut, ëmbëlsirave dhe pothuajse të çdo gjëje që ju mund të rrëmbeni nga automati etj). Eliminoni yndyrat e ngopura, sa më pak të merrni aq më mirë është për foshnjën tuaj. Marrja e tepërt e këtyre yndyrave duket e shton rrezikun e të përzierave dhe të vjellave të shumta të shtatzënisë.

A mund të zgjidhet gjinia e fëmijës që dëshironi të lindni

Pyetje: “Kam dëgjuar që ekzistojnë mënyra për të lindur një djalë, ose vajzë. Cilat janë këto teknika të zgjedhjes së gjinisë”?

Pyetje: “Unë kam dëgjuar se ekzistojnë mënyra për të rritur shanset e lindjes së një djali ose të një vajze. Cilat janë këto teknika të përzgjedhjes së gjinisë”?

A keni një vizion me ngjyrë rozë apo blu në të ardhmen tuaj? Ndoshta ju e shihni veten duke e lyer dhomën e fëmijës me ngjyrë rozë dhe shkoni në dyqan për të blerë veshje plot lule? Apo ndoshta ju mezi prisni që ta merrni fëmijën në duart tuaja. Ndërsa lindja e një foshnje të shëndetshme është me sigurinë më të madhe prioriteti juaj më i lartë, gjithashtu është plotësisht normale (dhe fare e zakonshme) të jeni të etur për një djalë që ta shtoni folenë tuaj apo digjeni për një vajzë që t’ua marrë mendjen fare. Çfarëdo qoftë gjinia që ju keni për zemër, ka disa mënyra, që janë edhe shkencore edhe të trasha, të cilat munden të manipulojnë Nënën Natyrë dhe të rrisin shanset tuaja për të konceptuar një djalë apo një vajzë. Hidhuni një sy këtyre alternativave të përzgjedhjes së gjinisë.

Përzgjedhja e gjinisë me anë të mënyrave të teknologjisë së lartë

Në qofte se ju jeni ndihmuar nga shkenca për të mbetur shtatzënë, mund të keni paksa në dorë edhe se cilën nga gjinitë do të zgjidhni. Por sado premtuese dhe emocionuese të duken në pamje të parë këto ndihma të teknologjisë së lartë, duhet të kini në mend që këto metoda të përzgjedhjes së gjinisë janë të kushtueshme, invazive, ndonjëherë të debatueshme dhe mund të kërkojnë që ju të plotësoni disa kritere të rrepta për t’i pranuar.