Shanset për të pasur binjakë

Pyetje: “Po përpiqem të mbetem shtatzënë. Cilat janë shanset që të kem binjakë”?

Nuk është e pazakontë kur ju përpiqeni të mbeteni shtatzënë, që t’i bëni vetes pyetje nëse do të keni më shumë fëmijë se sa ju synoni të keni, veçanërisht kur mësoni që lindjet e shumëfishta po shtohen me një përqindje fantastike kohët e fundit. Aktualisht, në SHBA ka 32 çifte binjakë për çdo 1 000 foshnje të lindura. Kjo përbën një rritje prej 65% gjatë 20 viteve të fundit.

Përse është një rritje kaq e madhe në lindjen e binjakëve? Një numër i madh është për hir të terapive riprodhuese por ka edhe faktorë të tjerë në lojë, të paktën kur është fjala për binjakët jo identikë (binjakët identikë janë të rrallë dhe shfaqen në mënyrë të rastësishme, kështu që janë më shumë se sa një befasi emocionuese). Shanset tuaja për të parë binjakë rriten në qoftë se:

  • Keni binjakë në familjen tuaj. Trashëgimia luan një rol në konceptimin e binjakëve, por vetëm nga ana e nënës. Edhe në qoftë se pema familjare e partnerit tuaj është  e mbushur me dyshe dinamike, kjo nuk i rrit shanset për të pasur binjakë.
  • Gratë lëkurëzeza kanë pak më shumë shanse se sa të bardhat për të pasur binjakë. Gratë aziatike apo hispanike kanë më pak shanse se gratë e bardha për të pasur binjakë.
  • Me rritjen e moshës tuaj rritet edhe shansi për të pasur binjakë. Studiuesit kanë gjetur që gratë mbi 35 vjeç prodhojnë më shumë hormone që i stimuloj-në folikulat se sa ato me moshë më të vogël, gjë që mund të shkaktojë që të çlirohet më shumë se sa një vezë në një cikël.
  • Keni pasur binjakë edhe më parë. Rrufeja mund edhe të godasë dy herë në një vend. Në qoftë se keni pasur më parë binjakë, shanset janë dyfishe që përsëri të keni binjakë.
  • Ju i jeni nënshtruar një trajtimi për pjellorinë. Rreth 20 deri 25% e grave që marrin ilaçe që stimulojnë vezoret ose që i janë nënshtruar in vitro fertilizimi-t do të kenë binjakë ose edhe më shumë.
  • Jeni mbi peshë. Studimet e kohëve të fundit kanë treguar që gratë obez-e kanë dyfishin e shanseve për të pasur binjakë se sa ato që nuk janë obeze.
Elementët bazë të gjumit të foshnjave: Nga 9 deri në 12 muajsh

Në moshën 9 muajsh, foshnjat zakonisht flenë rreth 14 orë në ditë, duke përfshirë dremitjen disa herë gjatë ditës për një apo dy orë. 

Gati për trajnimin për të fjetur

Nëse foshnja juaj ende nuk e ka vendosur një model të gjumit që i përshtatet jetës tuaj familjare, tani është koha për të provuar disa lloje të trajnimit të gjumit. Metodat e trajnimit të gjumit mund ta ndihmojnë atë të bjerë më lehtë në gjumë, të flejë për periudha më të gjata natën dhe të ruajë orare më të rregullt.

Gjumi gjatë natës

Nëse foshnja juaj tani fle nëntë ose dhjetë orë natën, kjo do të thotë se ai e ka kuptuar si të flejë, kjo është një shenjë se ju po rrisni një fëmijë që fle mirë.

Nëse foshnja juaj zgjohet shpesh natën për t’u ushqyer, ndoshta është koha për t’ia ndërprerë ushqimin me gji, nëse ju do të zgjidhni ta bëni këtë.

Ne të gjithë zgjohemi disa herë çdo natë për periudha të shkurtra të kohës. Dhe si të rritur ne i kthehemi gjumit çdo herë, aq shpejt sa që madje edhe nuk e mbajmë mend këtë në mëngjes. Në qoftë se foshnja nuk e ka zotëruar këtë aftësi, ai do të zgjohet dhe do të qajë gjatë natës, edhe kur nuk është i uritur.

Zgjimi përsëri

Mos u befasoni në qoftë se foshnja juaj që flinte mirë papritur bëhet zog nate ose mezi bie në gjumë në këtë moshë. Përse? Çrregullimet e gjumit shpesh vihen re krahas me arritjen e disa piketave kryesore të zhvillimit njohës dhe motor të foshnjës dhe me ankth-in që asaj i krijohet nga ndarja me ju.

Në moshën 9 deri 12 muajsh, foshnja juaj mund të jetë duke mësuar të rrijë ulur, të zvarritet apo edhe të ecë. Dhe meqenëse po i stërhollon dhe zgjeron këto aftësi, mund të zgjohet natën për t’u praktikuar ose mund të jetë tepër i eksituar. Në qoftë se nuk mund të qetësohet vetë dhe të bjerë përsëri në gjumë, të përfundojë duke qarë e duke ju kërkuar juve.

Edhe ankthi nga ndarja me ju mund të jetë shkaku i nxitjes për t’u zgjuar. Zgjimi duke mos ju gjetur juve afër mund të shkaktojë hutim. Por ndoshta foshnja do të qetësohet sapo që ju të hyni në dhomë dhe ta përshëndesni atë.