Ushqimet më të mira për nënat e reja: përmirësues të gjendjes shpirtërore

Nuk është e pazakontë të ndjeheni pa humor për disa javë pas lindjes. Ju po rikuperoheni fizikisht nga dhimbjet dhe nga lindja e fëmijës, duke përjetuar ndryshimet hormonale të paslindjes dhe duke e përshtatur veten me pjesëtarin më të ri dhe më kërkues të familjes tuaj. E gjithë kjo mund t’ju shkaktojë lodhje dhe shqetësim.

Dhe ndërsa të ushqyerit e vetes mund të jetë e fundit në listën e detyrave, ngrënia e një ushqimi të shëndetshëm, marrja e ushqimit në vakte të rregullta dhe disa hapa të thjeshtë mund ta përmirësojnë nivelin tuaj të energjisë dhe gjendjen shpirtërore. Lexoni më poshtë disa këshilla tonat për mirë ushqyerjen tuaj.

Në qoftë se dyshoni që po vuani nga depresion-i dhe jo nga një rast i përkohshëm i mërzisë, njoftoni menjëherë mjekun që kujdeset për ju. Kjo është një gjendje serioze që kërkon trajtim. Një dietë e shëndetshme mund të ndihmojë gjendjen shpirtërore por ajo nuk mundet ta zëvendësojë një ndihmë profesionale. Shenjat paralajmëruese të depresionit përfshijnë pagjumësinë, ndryshim në oreks, lotim dhe pikëllim që vazhdon gjatë gjithë ditës dhe mendime për t’i bërë dëm vetes ose foshnjës.

Merrni sa më shumë yndyra omega 3

Ekspert-ët janë në një mendje se acidet yndyrore omega-3 yndyrore, të cilat gjenden kryesisht në peshk dhe arra e fara të ndryshme, janë të rëndësishme për një dietë të shëndetshme. Ata ndihmojnë funksionimin normal të trupit tuaj dhe ju mbrojnë nga sëmundjet e zemrës. Disa studime tregojnë përqindje më të ulët të depresionit (duke përfshirë edhe një incidencë të ulët të depresionit të paslindjes mes nënave të reja) në vendet ku njerëzit hanë sasi të mëdha të peshkut.

Mjeku pediatër James Sears, beson se acidet yndyrore omega-3 përmirësojnë funksionimin e trurit dhe ndihmojnë për të kapërcyer një depresion. Ekspertët rekomandojnë marrjen e 1 grami acidi yndyror omega-3 për çdo ditë, një sasi që ndodhet në çdonjërin prej ushqimeve të mëposhtme:

  • 2 lugë çaji me vaj arre;
  • Rreth 50 gram harengë;
  • 100 gram salmon i pjekur;
  • 120 gram peshk ton;
  • 15 gram arra.
Dieta e pjellorisë: Ushqimet që ju duhen për të mbetur shtatzënë

Kur vjen puna për të mbetur shtatzënë, thënia e lashtë “ju jeni ajo që hani” tingëllon e vërtetë. “Çfarë ju hani ndikon në gjithçka, nga gjaku juaj tek qelizat dhe tek hormonet tuaja”, thotë Cynthia Stadd, një specialiste e të ushqyerit në Qendrën Berkley për Shëndetin Riprodhues të grave në Nju Jork Siti.

Sipas Shoqatës Amerikane të Shtatzënisë, një organizatë jofitimprurëse që promovon shëndetin riprodhues, ju duhet të duroni tre muaj pas një viti ndryshimesh dietetike që këto të fundit të zënë rrënjë. Por në qoftë se jeni në fazën kur keni vendosur të bëheni me fëmijë, mos u shpejtoni, asnjëherë nuk është vonë. Duhet të keni parasysh këto gjëra:

Pini alkool sa më rrallë

Një gotë verë herë pas here ose një shishe birrë ndoshta nuk jua pakëson shanset për të mbetur shtatzënë. Por sigurohuni që të mos jeni shtatzënë sepse alkool-i mund të dëmtojë fetus-in.

Kjo do të thotë që koha për të qenë një antialkoolist është midis ovulacion-it dhe menstruacione-ve. Koha më e mirë për të pirë pa merak një gotë është dita kur ju kanë filluar periodat.

E thënë kjo, në qoftë se ju keni cikle të parregullta (të cilat mund të bëjnë të vështirë që të mësoni se kur e keni ovulacionin) ose në përgjithësi e keni problem të mbeteni shtatzënë, sigurohuni që të mos pini fare alkool. Edhe pse studimet mbi efektet e alkoolit në pjellori nuk janë përfundimtare, disa prej tyre tregojnë një lidhje të lehtë mes marrjes së alkoolit dhe vështirësive në ngjizje.

Shoqata Amerikane e Mjekësisë Riprodhuese rekomandon që edhe në qoftë se pini alkool, të mos pini më shumë se dy gota në ditë në qoftë se po përpiqeni të mbeteni shtatzënë.

Për alternativat jo alkoolike, shihni listën e mëposhtme.

Frenoni marrjen e kafeinës

Rezultatet e studimeve nëse kafeina ndikon mbi pjellorinë janë të ndryshme. Në përgjithësi, ekspert-ët janë në një mendje që konsumi i moderuar i kafeinë-s nuk pengon mbetjen shtatzënë të një gruaje.

Jeni shtatzënë? Bëni ushtrime

Llojet e duhura të ushtrimeve janë kryesore për të mbetur në formë të mirë fizike, e shëndetshme dhe e lumtur gjatë shtatzënisë suaj. Tashmë që ju jeni duke pritur, një program i shëndetshëm ushtrimesh duhet të vendoset në krye të listës tuaj të prioriteteve menjëherë në krah të vitaminave të para lindjes dhe netëve të plota në gjumë.

Përse? Fillimisht ju do të ndiheni më në ngritje dhe më energjike. Gjithashtu ju do të ruani shëndetin kardiovaskular, po ashtu si edhe një grua që nuk është shtatzënë, thotë Dr. Raul Artal, profesor dhe shef departamentit të obstetrikë-s, gjinekologji-së dhe shëndetit të gruas në Fakultetin e Mjekësisë së Universitetit St. Louis dhe autor kryesor i direktivave për ushtrimet gjatë shtatzënisë botuar nga Kolegji Amerikan i Obstetër-ve dhe Gjinekolog-ëve.

Po aq i rëndësishëm, shton ai, të qëndruarit fizikisht aktive gjatë shtatzënisë ndihmon në parandalimin e shtimit të tepërt në peshë dhe diabet të shtatzënisë si edhe të preklampsi-së (presionit të lartë të gjaku-t që mund të ndodhë gjatë shtatzënisë). Dhe ja se ku janë disa të reja me të vërtetë të mirëpritura: Dobitë mund të shtrihen deri në sallën e lindjes, sipas Artal. “Ne e dimë se ato gra që janë  në formë të mirë fizike mund ta shtyjnë jashtë më me lehtësi foshnjën”.

Masat paraprake për ushtrimet e shtatzënisë

Megjithatë, ushtrimi mund të jetë i rrezikshëm në disa kushte, duke përfshirë rrezikun për lindje të parakohshme, anemi të rëndë, probleme të zemrës, ose diabet i kontrolluar dobët. Jo të gjithë problemet shëndetësore e përjashtojnë aktivitetin fizik. Pyesni mjekun tuaj për të qenë e sigurt që në qoftë se merrni lejen e tij, ju mund të ecni, notoni, ushtroheni me pesha të lehta. Vetëm mos e teproni. Do t’ju duhet të merrni disa masa paraprake siç janë më shumë pushime gjatë stërvitjeve tuaja. Por vetë stërvitja është një lëvizje e mençur si për ju ashtu edhe për foshnjën tuaj.

Në qoftë se nuk jeni stërvitur para shtatzënisë, mund të filloni tani

Ushqimet që mbajnë mendjen në formë!

Xhinseng, peshk, manaferra apo kafeinë?

Mbani vesh fjalët që thuhen për ushqimet dhe suplementet ushqimore dhe do të besoni se ato mund të bëjnë gjithçka, nga mprehtësia e fokusit tek përmirësimi i memories, fushës së vëmendjes dhe funksioneve të trurit. Por a funksionojnë me të vërtetë? Nuk ka dyshim që ndërsa ne plakemi, trupi plaket bashkë me ne. Lajmi i mirë është se ju mund të keni shanse të mbani një tru të shëndetshëm duke shtuar ushqime dhe pije të “zgjuara” në dietën tuaj.

Kafeina ju bën më të vëmendshëm

Nuk ka një fishek magjik për rritur nivelin e IQ-së (koeficienti i inteligjencë-s) tuaj, por substanca të caktuara si kafeina ju mbushin me energji dhe ju ndihmojnë të përqendroheni. Kafeina gjendet tek kafeja, çokollata dhe tek disa medikamente. Ajo ju jep atë shtytjen e pangatërrueshme të zgjimit edhe pse efektet zgjasin pak. Ndonjëherë, sa më shumë të marrësh aq më pak ke marrë. Nëse e teproni me kafeinën do ju bëj nervoz dhe jo të qetë.

Sheqeri zhvillon vigjilencën

Sheqeri është burimi më i pëlqyer i fuqisë për trurin tuaj; jo sheqeri i tavolinës por glukozë, të cilën trupi e përpunon dhe që gjendet tek sheqernat dhe karbohidratet që konsumojmë. Kjo është arsyeja pse një pijë e ëmbël shpesh është një përforcues shumë i mirë afatshkurtër i memories, të menduarit dhe aktivitetit mendor. Por kini kujdes, duke marrë më shumë sheqer seç duhet dhe memoria do të dëmtohet, bashkë me gjithë pjesën tjetër të trupit. Hani pak sheqer në mënyrë që të përmirësoni memorien pa shtuar kile të tepërta.

Hani mëngjes për të furnizuar trurin

Tentoni të mos hani mëngjes? Studimet kanë zbuluar se të ngrënit e mëngjesit përmirëson memorien afatshkurtër dhe vëmendjen. Studentët që hanë mëngjes japin rrezultate më të mira në shkollë se ata që nuk hanë. Ushqimet që qëndrojnë në majë të listës së kërkuesve si karburant për trurin, përfshijnë drithërat e plota të pasura me fibra, bulmetin dhe frutat. Kujdesuni të mos hani shumë! Kërkuesit gjithashtu kanë zbuluar se mëngjesi me shumë kalori e ul dhe pengon përqendrimin.

Peshku, vërtet që është ushqimi i trurit

Si të përforconi sistemin imunitar

Në përgjithësi, sistemi imunitar kryen një funksion të jashtëzakonshëm, duke ju mbrojtur kundër mikro-organizmave që shkaktojnë sëmundje. Por ndonjëherë ai dështon në kryerjen e kësaj detyre: Ndonjëherë mikrobet pushtojnë organizmin me sukses dhe ju sëmurin. A është e mundur të ndërhyni në këtë proces dhe ta bëni sistemin tuaj imunitar më të fortë? Çfarë ndodh nëse ju do të përmirësoni dietën tuaj? Nëse do të merrni vitamina ose përgatitje të ndryshme bimore? Çfarë mund të ndodhë nëse bëni ndryshime të tjera në stilin e jetesës, me shpresën për të prodhuar një përgjigje imunitare thuajse të përsosur?

Ideja e përforcimit të imunitet-in tuaj është joshëse, por aftësia reale për ta bërë këtë, ka rezultuar iluzive, jo e vërtetë. Sistemi imunitar është pikërisht një sistem, jo një njësi e vetme. Për të punuar mirë, ai kërkon ekuilibër dhe harmoni. Ka ende shumë gjëra që studiuesit nuk i dinë në lidhje me kompleksitetin dhe ndërthurjen e brendshme të përgjigjes imunitare të organizmit. Tani për tani, nuk janë provuar ende shkencërisht lidhjet e drejtpërdrejta mes mënyrës së jetesës dhe sistemit imunitar të përmirësuar.

Por kjo nuk do të thotë se efektet e jetesës në sistemin imunitar nuk janë intriguese dhe nuk duhet të studiohen. Një numër i konsiderueshëm i studiuesve po eksplorojnë efektet e dietës, ushtrimeve, moshës, stresit psikologjik, shtojcave ushqimore bimore dhe faktorëve të tjerë në përgjigjen imunitare, si tek kafshët, ashtu dhe tek njerëzit. Edhe pse nga studimet po dalin rezultate interesante, deri më tani ato mund të konsiderohen thjesht paraprake. Kjo është arsyeja pse studiuesit janë ende duke u përpjekur për të kuptuar se si funksionon sistemi i imunitetit dhe se si të interpretojnë matjet që i bëhen funksionit imunitar. Seksionet e mëposhtme përmbledhin disa nga zonat më aktive të kërkimit në këto çështje. Ndërkohë, strategjitë e përgjithshme të të jetuarit shëndetshëm janë një mënyrë e mirë për të filluar t’i jepni sistemit tuaj imunitar një ndihmë të madhe.

Ndiqni një strategji të shëndetshme jetese

Si të shtoni në peshë në mënyrë të shëndetshme

Nëse doni të shtoni disa kile, mënyra e vetme është të merrni më shumë kalori. Nuk ka rëndësi nëse shtoni vakte ekstra apo zmadhoni vaktet normale. Këtë e keni ju në dorë.

Nëse nuk jeni mësuar të hani shumë në një vakt, duhet të filloni të hani vakte shtesë gjatë ditës. Nga ana tjetër, nëse hani pak në çdo kohë të ditës, atëherë duhet të rrisni sasinë e racioneve të secilit vakt.

Zgjidhni ushqime që janë sa të ushqyeshme aq edhe të pasura në kalori. Hiqni dorë nga ushqimet e gatshme të tejmbushura me kalori.

Ushqimet që janë njëkohësisht të ushqyeshme dhe plot me energji, janë pjesë e produkteve të përditshme si: mishi, produktet e detit, mishi i shpendëve, legumet, frutat e thata, ullinjtë, farat dhe avokadot.

Përzgjedhni vaktet tuaja

Vaktet tuaja duhet të jenë të balancuara me sasinë e duhur të proteinave, karbohidrateve dhe yndyrave.  Zgjidhni një racion të bollshëm mishi shpendësh, peshku, frutash deti apo legumesh dhe shoqërojeni me perime të gjelbra ose shumëngjyrëshe, dhe me ushqime që përmbajnë niseshte si patatet, orizi ose makaronat.

Shtojini patateve më shumë kalori duke i hedhur pak lëng mishi dhe lyeni perimet me gjalpë, margarinë (pa acide gjysmë-yndyrore), vaj ulliri ose shtoni pak djathë. Nëse planifikoni të hani vakte të vogla dhe të shpeshta, zgjidhni një përzjerje frutash të thara , grurë, fruta të thata dhe fara të shoqëruara me qumësht. Hani sanduiçe me gjalp kikiriku, ose të ndonjë fruti tjetër të  thatë ose shtojini atyre pak mish gjeli, feta të  holla gjoksi pule, mish të pjekur dhe shtojini kaloritë me pak djathë ose avokado. Supat kremoze janë më të pasura në kalori sesa ato që janë të holla. Ju mund t’i shtoni më shumë kalori duke i hedhur një lugë qumështi puhur.

A më ndihmojnë suplementet ushqimore

Suplementet ushqimore që premtojnë shtim në peshë dhe muskuj më të mëdhenj, nuk funksionojnë dhe mund të jenë të rrezikshme.

8 shenja të hershme të shtatzënisë

Pyesni veten nëse jeni shtatzënë? Një test i shtatzënisë është mënyra me anën e së cilës do ta mësoni me siguri. Por në qoftë se është ende tepër herët për rezultate të sakta? Ju mund të vini re disa shenja të lehta të shtatzënisë – lodhje, të përziera, urinim të shpeshtë dhe zbutje të gjinjve. Këtu keni disa këshilla të ekspert-it se si të reagoni ndaj këtyre simptomave në qoftë se po përpiqeni të mbeteni shtatzënë.

1. Lodhja

“Lodhja e skajshme, e pashpjegueshme është ndoshta shenja më e zakonshme e shtatzënisë së hershme”, thotë Dr. Gil Gross, profesor i obstetrikë-s dhe gjinekologji-së në Fakultetin e Mjekësisë të Universitetit të Uashingtonit në St. Louis.

“Mos e trajtoni lodhjen me kafeinë të tepërt në qoftë se ka ndonjë shans që të jeni shtatzënë”. Në vend të kësaj, “dëgjojeni trupin tuaj, merreni shtruar dhe përpiquni që të pushoni siç duhet”, thotë Dr. Donnica Moore, një eksperte e shëndetit të grave në Far Hills, Nju Jork.

2. Neveria nga ushqimi

Në qoftë se hapja e frigoriferit ju bën që të stepeni dhe nuk mund të kaloni pranë ndonjë restoranti kinez pa vënë shaminë para gojës, ju mund të jeni shtatzënë. Shumë gra raportojnë se një neveri e tillë e fortë ndaj ushqimeve është një nga shenjat e para të fillimit të shtatzënisë. Kjo mund të shkaktohet nga nivelet në rritje të hormonit beta hCG. Gjëja më e mirë që mund të bëni është të manovroni e t’u qëndroni larg këtyre ngacmuesve.

3. Ndjeshmëria ndaj aromave

Aromat që asnjëherë nuk kanë qenë të pëlqyeshme për ju (si tymi i cigares) madje edhe ato që kanë qenë të kënaqshme (si kolonja e partnerit tuaj) mund t’ju bëjnë juve t’ju përzihet gjatë fazave të para të shtatzënisë. “Për disa gra kjo mund të jetë një shenjë e asaj që ato presin,” thotë Moore. Kjo ka të ngjarë të jetë rezultat i niveleve të rritura të hormoneve. Për fat të keq, “nuk mund të bëni vërtet asgjë, përveç se t’i shmangni ato kur mundeni”, thotë ajo, “veçanërisht tymin e cigareve që nuk i bën mirë foshnjës tuaj”.

4. Të përzierat dhe të vjellat

A jeni gati për një tjetër?

Askush nuk mund t’i përgjigjet kësaj pyetje përveç jush, dhe ka shumë gjëra për t’u menduar. Vendimi juaj do të përfshijë shumë planifikim dhe përpjekje nga ana juaj, siç është kur duhet pushuar përdorimi i kontrollit të lindjeve, sa pushim duhet marrë nga puna dhe mendimi nëse ju mund të përballoni apo jo një fëmijë tjetër.

Disa thonë që kjo është madje edhe më e vështirë se sa vendimi për të pasur fëmijën e parë, sepse ju po diskutoni tashmë jo vetëm për të pasur një fëmijë, por po diskutoni për ndryshimin në familje.

Me çdo fëmijë të ri, ju duhet të mendoni se si do të ndikojë ky fëmijë në mënyrën tuaj të jetesës, në financa, në punë, në marrëdhënie dhe, natyrisht tek fëmijët e tjerë tuajt. Dhe në qoftë se dëgjoni fjalët e rrugës, shtimi i familjes me një më tepër mundet më shumë se sa ta dyfishojë punën për ju.

Natyrisht pothuaj kushdo, nga mjekët dhe shkencëtarët e deri tek miqtë tuaj dhe fqinjët kanë një opinion për programimin e përsosur për fëmijët dhe madhësinë e përsosur të familjes. Peshoni pro-të dhe kundra-t dhe pastaj merrni vendimin tuaj.

Më poshtë keni disa gjëra për t’u marrë në konsideratë para se të mirëprisni një foshnjë të re në jetën tuaj.

Kur është koha më e mirë për të pasur një tjetër?

Disa janë në favor të pritjes disa vjet e më shumë. Në këtë mënyrë, fëmijët e tjerë tuajt do të kenë shumë kohë me ju dhe mund të kuptojnë e madje edhe të bisedojnë për efektin që mund të ketë një fëmijë tjetër. Të tjerët thonë që pasja e fëmijëve tuaj pranë njëri tjetrit siguron që ata të jenë shokë loje për tërë jetën dhe që ju nuk do të rrisni më fëmijë të vegjël për pjesën e mbetur të jetës tuaj.

Ja se si shprehen disa nëna:

Ngërçet muskulare

Si fillim po ju tregojmë disa fakte mbi ngërçet muskulare.

  • Ngërçi muskular është një muskul i kontraktuar në mënyrë të pavullnetshme dhe me forcë që nuk qetësohet më.
  • Pothuajse të gjithë përjetojnë një ngërç muskular në një periudhë të caktuar në jetën e tyre.
  • Ka një shumëllojshmëri llojesh dhe shkaqesh të një ngërçi muskular.
  • Shumë medikamente mund të shkaktojnë ngërçe të muskujve.
  • Shumica e ngërçeve muskulare mund të ndalen, në qoftë se muskuli mund të tendoset.
  • Ngërçet muskulare shpesh mund të parandalohen me masa të tilla si ushqim të përshtatshëm dhe hidratim, vëmendje ndaj sigurisë gjatë stërvitjes dhe vëmendje ndaj faktorëve ergonomik.

Çfarë janë ngërçet muskulare?

Një ngërç muskular është një muskul i kontraktuar me forcë dhe në mënyrë të pavullnetshme që nuk qetësohet. Kur ne përdorim muskujt që mund të kontrollohen në mënyrë vullnetare, si ato të krahëve dhe këmbëve, ata kontraktohen dhe relaksohen në sinkron, kur ne lëvizim gjymtyrët.

Muskujt që mbështesin kokën, qafën dhe trung-un në mënyrë të ngjashme, të sinkronizuar për të mbajtur një qëndrim tonin të rregullt. Një muskul (ose edhe disa prej fibrave të një muskuli) që në mënyrë të pavullnetshme (pa e dashur që të kontraktohet me vullnet të plotë) kontraktohet ndodhet në një spazmë. Në qoftë se spazma është e fortë dhe konstant-e, ajo kthehet në një ngërç. Ngërçet muskulare shpesh shkaktojnë një forcim të dukshëm ose që mund të ndjehet të muskujve të përfshirë.

Ngërçet muskulare mund të zgjasin në çdo periudhë kohe nga disa sekonda deri në çerek ose me raste, për një kohë më të gjatë. Nuk është e pazakontë për një ngërç që të rishfaqet shumë herë deri sa më në fund largohet.

Ngërçi mund të përfshijë një pjesë të muskulit, të gjithë muskulin, ose më shumë muskuj, të cilët normalisht veprojnë së bashku, të tilla si ato që përkulin gishtat ngjitur me njëri tjetrin. Disa ngërçe përfshijnë tkurrje të njëkohëshme të muskujve që lëvizin zakonisht pjesët e trupit në drejtime të kundërta.

Kuptimi i kirurgjisë së kancerit: Një udhëheqës për pacientët dhe familjet e tyre

Planifikimi dhe përgatitja për kirurgjinë e kancerit

Edhe ju edhe mjeku juaj kanë gjëra për të bërë para kirurgji-së për t’u siguruar që ju keni shansin më të mirë për një rezultat pozitiv. Sa më shumë që të jetë e mundur ju duhet të dini çfarë do të prisni dhe të ndjeni që vendimi që keni marrë është më i miri për ju. Njerëzit ndryshojnë lidhur me atë se sa të përfshirë duan të jenë në procesin e marrjes së vendimit. Por të dini sa më shumë që të jetë e mundur për atë se çfarë ju pret, kjo të paktën redukton nivelin e stresit për ju.

Nuk është e pazakontë që pacientët të presin disa javë pasi mësojnë që ata kanë kancer që të bëhet një operacion kirurgjikal. Ju keni kohë të:

  • Mësoni më shumë për kancerin;
  • Të flisni me të tjerë që kanë pasur kancer;
  • Të eksploroni alternativat e trajtimit tuaj;
  • Të gjeni ekipin më të mirë për t’u kujdesur për ju.

Gjithashtu ju mund të doni që të merrni një opinion të dytë. Pothuaj në të gjithë rastet koha e nevojshme për t’u përgatitur për operacionin nuk duhet të ketë ndikim mbi suksesin e tij. Por në qoftë se ju keni ndonjë lloj problemi urgjent mjekësor, operacioni duhet bërë sa më shpejt që është e mundur.

Miratim i informuar

Miratimi pasi të jeni i informuar është një nga pjesët më të rëndësishme të përgatitjes për operacionin kirurgjikal. Ai është një proces gjatë të cilit juve u tregohen të gjithë aspektet e trajtimit para se të jepni miratimin tuaj me shkrim për operacionin. Ky miratim zakonisht nënkupton që mjeku juaj ka shpjeguar sa më poshtë:

  • Kushtet ose diagnozë-n tuaj dhe përse operacioni është një alternativë;
  • Qëllimin e operacionit;
  • Si do të bëhet operacioni;
  • Si mundet të jetë ai i dobishëm për ju;
  • Cilat janë rreziqet;
  • Çfarë efektesh anësore duhen pritur;
  • Çfarë alternativash të tjera trajtimi keni.

Kur ju e nënshkruani miratimin tuaj ju me këtë pranoni që e keni marrë këtë informacion, e kuptoni atë dhe jeni i gatshëm t’i nënshtroheni operacionit kirurgjikal. Gjithashtu kjo do të thotë që ju e kuptoni se nuk ka garanci që trajtimi do të funksionojë.

Testimi para operacionit